Օգոստոսի 11-ի տվյալներով՝ Վրաստանում կորոնավիրուսով վարակի 14 նոր դեպք է գրանցվել. ընդհանուր դեպքերի քանակը երկրում հասել է 1 264-ի: Այս մասին տեղեկացնում է կառավարության կողմից ստեղծված stopcov.ge կայքը:
Վրաստանում այսօր կորոնավիրուսից բուժվել է ևս 44 պացիենտ և ընդհանուր հաշվով՝ վարակը հաղթահարել է 1054 մարդ: Վարակից երկրում մահացել է 17 մարդ:
Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով:
Այս պահի դրությամբ՝ կարանտինային գոտում է գտնվում 6930 քաղաքացի, իսկ հատուկ ստացիոնար հսկողության տակ՝ 263:
