Գուրջաանիի մունիցիպալիտետի Չումլաղ գյուղ դեղձ գնելու համար մեկնած Հայաստանի քաղաքացու մոտ ախտորոշվել է կորոնավարակ:
Այս մասին հայտարարել են Գուրջաանիի հանրային առողջապահության կենտրոնում:
Նշվածը երկրի մասշտաբով ընդգրկված է արձանագրված հինգ նոր դեպքի ցանկում:
Ավտոմեքենայի վարորդը սկզբում թեստավորվել է սահմանին, սակայն այն ժամանակ թեստը ցույց է տվել բացասական պատասխան:
Վարակվածն այս պահի դրությամբ գտնվում է Բոճորիշվիլու անվան կլինիկայում: Չումլաղ գյուղում աշխատում են համաճարակաբանները և փորձում պարզել վարորդի հնարավոր շփման շրջանակը: Մասնագետների մեկնաբանմամբ, խոսքը վերաբերում է ներկրված դեպքին և փաստացի, անհնար է պարզել վարակման աղբյուրը:
Մանրամասների վերաբերյալ նախատեսված է Հիվանդությունների վերահսկման և հանրային առողջապահության ազգային կենտրոնի Կախեթիի բաժնի ղեկավար Նելլի Խիզանիշվիլու մամլո ասուլիսը:
