Այսօր Վրաստանում օդի ջերմաստիճանն առավելագույնը կբարձրանա մինչև 36 աստիճան: Ըստ Շրջակա միջավայրի ազգային գործակալության՝ մայիսի 22-ին, օրվա երկրորդ կեսին սպասվում է եղանակային պայմանների կտրուկ վատթարացում. Ամպրոպ և անձրև, որոշ տեղերում ուժեղ կարկուտ, առանձին վայրերում ժամանակ առ ժամանակ ուժեղ քամին կփչի արևմտյան ուղղությամբ:
Մայիսի 23-ին որոշ վայրերում սպասվում է ուժեղ քամի, ծովում հնարավոր է 4-5 բալ ուժգնությամբ փոթորիկ:
«Մայիսի 23-24 օդի ջերմաստիճանը էականորեն կնվազի: Սպասվող առատ տեղումները կարող են Վրաստանի գետերում ջրի մակարդակի բարձրացման և վարարման պատճառ դառնալ: Լեռնային շրջաններում հնարավոր է սողանքներ և սելավներ»,- ասվում է գործակալության տարածած հաղորդագրության մեջ: