Ֆեյսբուքյան օգտատերերի շրջանում լայն արձագանք գտավ Jnews-ի «Ի՞նչ անենք, ասենք մի օր չկարողացանք փող գտնել, ի՞նչ է լինելու․․․» հոդվածը: Շատերը պատրաստակամություն հայտնեցին և խնդրեցին հաշվեհամար բացել, որպեսզի կարողնանան օգնել երիկամային անբավարարություն ունեցող Կոլյա Մանասյանին, ով միջոցներ չունենալու պատճառով չի կարողանում անհրաժեշտ բուժօգնություն ստանալ:

Ստորև Ձեզ ենք ներկայացնում Կոլյա Մանասյանի հաշվեհամարը՝

GE33BG0000000162649137GEL

Գումարը կստանա հենց ինքը։

Ֆեյսբուք սոցիալական ցանցի ջավախքյան տիրությում մարդիկ պատրաստակամություն հայտնեցին դեղամիջոցներ տրամադրել և գումար փոխանցել երիկամանային անբավարարություն ունեցող տղամարդուն:

Հիշեցնենք, որ Ախալքալաքի շրջանի Դիլիսկա գյուղի բնակիչ Կոլյա Մանասյանը երիկամային անբավարարություն ունի, նա արդեն երկու տարի է շաբաթական երկու անգամ գնում է Ախալցիխե հեմոդիալեզի: Բանն այն է, որ վերջինս Վրաստանի քաղաքացի չէ, այդ պատճառով նրա բուժումը վճարովի է և ամեն անգամ նա 200 լարիից ավելի գումար է ծախսում: Ամսական Մանասյանների ընտանիքին 1 200 լարի է անհրաժեշտ բուժօգնություն ստանալու համար:

Սկզբնական շրջանում Կոլյա Մանասյանը հեմոդիալեզի է գնացել շաբաթական երեք անգամ, այնուհետև գումար չունենալու պատճառով բժշկի հետ խորհրդակցելուց հետո դարձրել երկու անգամ, հիմա էլ մտածում է մեկ անգամ դարձնելու մասին, սակայն բժիշկն արգելել է։