Վրաստանի կրթության, գիտության, մշակույթի և սպորտի նախարարությունը դիմորդների համար սկսում է նոր նախագիծ՝ «Վեբդպրոց», որը կամրապնդի նրանց գիտելիքները և կտա նոր գիտելիքներ ձեռք բերելու հնարավորություն: Այս տեղեկությունը տարածում է կրթության նախարարությունը:
Ծրագրի շրջանակներում պրակտիկոս ուսուցիչները դիմորդների համար կանցկացնեն վեբինարներ, որոնք կբեռնվեն el.ge հարթակում: Վեբինարների ժամանակացույցը կթարմացվի ամեն շաբաթ և աստիճանաբար կներառի բոլոր թեմաները:
Ըստ կրթության նախարարության, դիմորդների համար նոր նախագիծը կսկսվի մայիսի 4-ին և կշարունակվի մինչև հուլիսի 4-ը: Ցանկացողները վեբինարի համար գրանցվել կարող են մայիսի 2-ից:
Գրանցման պարզ ձևը արդեն առկա է el.ge կայքի վեբինարների բաժնում: Կարևոր է, որ յուրաքանչյուր վեբինարի ձայնագրությունը պահպանվելու է և հասանելի կլինի յուրաքանչյուրի համար:
Բացի այդ, ուսանողներին հնարավորություն կտրվի բացահայտ արտահայտել իրենց սեփական կարծիքը, հարցերը, ցանկությունները և դիտողությունները:
Գերատեսչությունում հայտարարել են, որ համավարակի պայմաններում հեռավար ուսուցման և «Հեռուստադպրոցի» ներդրումից հետո, նոր նախագիծը կօգնի դիմորդներին նախապատրաստվել ազգային քննություններին:
Կորոնավիրուսը կանխելու նպատակով վարչապետի գլխավորությամբ գործող միջգերատեսչական համակարգող խորհրդի որոշմամբ, նախարարությանը կարգադրվել է առավելագույնս անցնել հեռավար ուսուցման ձևաչափին:
