Ջավախքում ձնհալ է, ձյան տակից իր գլուխն է բարձրացրել ձնծաղիկը, գարունն աստիճանաբար մտնում է իր իրավունքների մեջ: Փարվանա լիճը սկսել է հալվել, իսկ ձկնորսները կամաց-կամաց գնում են ձկնորսության:
Փարվանա լիճը Վրաստանի ամենամեծ լիճն է: Այս վայրի հետ են կապված հայ մեծ գրող Հովհաննես Թումանյանի լեգենդներն ու պոեմը: Ձմռանը Փարվանան ծածկվում է սառույցի այնքան ամուր շերտով, որ մեքենաները դրա վրայով երթևեկում են:
Եվ երբ լիճը նոր-նոր սկսում է ծածկվել սառույցով, դեկտեմբերին ձկնորսները հավաքվում են ափի շուրջը և սկսվում է ձմեռային ձկնորսությունը, և այդպես մինչև ամսվա վերջ: Ձկնորսությունը վերսկսվում է մարտի վերջին և ապրիլի սկզբին: Ձյունածածկ լեռների և կապույտ լճի գեղատեսիլ բնաշխարհը հիացնում է բոլոր նրանց, ովքեր երբևէ եղել են այստեղ: Չնայած Շաորիի և Աբուլի մոտակայքում գտնվող բոլոր բնական գեղեցկություններին և կիկլոպյան ամրոցներին, Փարվանան ոչ ակտիվ ներգրավված է զբոսաշրջային երթուղիներում:
