Նոր կորոնավիրուսը փոփոխություններ մտցրեց ախալքալաքցիների կյանքում՝ սահմանափակելով տեղաշարժը, հարսանիքներ նշելու հնարավորությունը և, ավանդույթի համաձայն՝ հուղարկավորություններ կազմակերպելու, եկեղեցի գնալու և այլ հնարավորությունները: Ախալքալաքցիները, սակայն, չեն հուսահատվում, քանի որ խոսքը գնում է կյանքի և մահվան մասին:
Ախալքալաքի փողոցները մարդաշատ չեն, սակայն փողոցներում մեքենաները շատ են:
Արդարադատության տունը, որը միշտ լի էր մարդկանցով՝ դատարկ է: Այն անցում է կատարել հեռավար աշխատառեժիմի:
Կորոնավիրուսը խոչընդոտ չէ շինարարության համար:
Քաղաքապետարանը և Սակրեբուլոն աշխատում են հեռավար կարգով: Հիմնականում, այստեղ շատ ավելի քիչ մարդ է լինում:
Ախալքալաքում, բացի դեղատներից, բանկերից, մթերային խանութներից, գյուղատնտեսական շուկայից և մի քանի տաքսիներից, ամեն ինչ փակված է, այս պահի դրությամբ մինչև ապրիլի 1-ը:
Բանկերում, խանութներում և դեղատներում թույլ են տալիս մտնել մեկ առ մեկ և ոչ ավելի, քան 10 հոգին, մինչդեռ մնացած մարդիկ սպասում են դրսում և միշտ չէ, որ պահպանում են մեկ մետր հեռավորությունը:
Ամենուրեք վաճառողները դիմակներով և ձեռնոցներով են:
Դիմակներով և ձեռնոցներով են շրջում նաև առաքիչները: Ի դեպ, խանութներում ապրանքների պակասություն չկա, նույնիսկ դեֆիցիտի մեջ գտնվող զուգարանի թուղթը, պահածոները և մակարոնեղենը: Թեև, գնորդներ չկան, քանի որ բնակիչներն ամեն ինչ գնել են, և այժմ նրանք առանց հատուկ անհրաժեշտության դուրս չեն գալիս:
Փողոցները, որոնք միշտ մարդաշատ են, հիմա արդեն դատարկ են:
Գյուղատնտեսական շուկայի վաճառականները բողոքում են առևտուրի բացակայությունից՝ ասելով, որ առաջիկայում նրանց սպասվում են ֆինանսական խնդիրներ:
Դատարկ է նաև Ախալքալաքի հագուստի շուկան:
Չնայած Սուրբ Խաչ եկեղեցին բաց է, հավատացյալները հազվադեպ են գալիս եկեղեցի:
Պարեկային ոստիկանությունը քաղաքում վերահսկում է երթևեկությունը:
Քրիստինե Մարաբյան
