CNN-ը Թբիլիսին անվանել է «ամանորյա տոներն անցկացնելու լավագույն վայրը» և իր ընթերցողներին հորդորել է ձմեռային արձակուրդներն անցկացնել Վրաստանի մայրաքաղաքում:
«Տարեվերջը տոների ժամանակն է ամբողջ աշխարհում: Վրաստանում ուղղափառ ավանդույթների պատճառով արձակուրդային ժամանակահատվածը տևում է մինչև հունվար: Դրա շնորհիվ Թբիլիսին իդեալական վայր է Սուրբ Ծննդյան և Նոր տարվա մոգությունը շարունակելու համար: Եթե դուք պատրաստ եք մասնակցելու փողոցներում կախարդական լույսերին և Սուրբ Ծննդյան երգերի հնչյուններին, Թբիլիսին կարող է ձեզ համար կատարյալ տարբերակ լինել», – ասվում է CNN կայքում տեղադրված նյութում:
CNN-ն ամանորյա արձակուրդները Վրաստանում անցկացնելու մեկ այլ պատճառ էլ անվանում է տոնավաճառները, որոնք մինչև հունվարի կեսը գործում են ամբողջ քաղաքում:
Հոդվածում նշվում է, որ չնայած իրենց կոլորիտով դրանք նման են եվրոպական Սուրբ Ծննդյան շուկաներին` հուշանվերներով, թատերական ներկայացումներով և փողոցային սնունդով, սակայն Թբիլիսիի տոնավաճառները կդառնան բոլորովին նոր փորձ` զբոսաշրջիկների համար:
CNN-ն ամանորյա լուսավորությունը Վրաստանի մայրաքաղաքի փողոցներում «Թբիլիսիի հպարտություն» է անվանում: Նյութում նշվում է, որ Սուրբ Ծննդյան լույսերը լուսավորում են քաղաքը դեկտեմբեր և հունվար ամիսներին:
Հոդվածի հեղինակները զբոսաշրջիկներին պատմում են վրացական ամանորյա ավանդույթների մասին: Օրինակ. Ճակատագրի օրվա մասին (Բեդոբա), որը նշվում է հունվարի 2-ին: Համարվում է, որ հենց այդ օրն է որոշվում, ինչպիսին կլինի տարին: Եվ մեկ անսովոր ավանդույթ, դա հին նոր տարին է, որը տոնում են հունվարի 14-ին:
«Համեցեք, Ամանորյա և Սուրբ ծննդյան տոների ամենահամովը մասը դա տոնական սեղանն է, որը վրացիների համար ամենակարևոր սկզբունքներից մեկն է: Վստահ եղեք, որ կփորձեք բազմաթիվ ավանդական ճաշատեսակներ»,- ասվում է հոդվածում:
CNN-ը հոդվածը եզրափակում է հիշեցնելով, որ Եվրոպական ցանկացած քաղաքից Թբիլիսիում կարելի է հայտնվել ընդամենը 3-4 ժամվա ընթացքում:
Նյութը՝ Վրաստան լուրերից
