Ախալքալաքում այժմ տիրում է շքեղ ամանորյա սեղանի համար մեծ ծախսերի ժամանակաշրջանը, նվերների և զարդերի պատրաստումն ընթանում է ամբողջ թափով: Նոր տարին նշելու համար Ախալքալաքի բնակիչներին միայն սեղանը զարդարելու համար անհրաժեշտ է 1500-2000 լարի ներդնել:
Մարդիկ, ովքեր արտագնա աշխատանքից են վերադարձել, շտապում են գնումներ կատարել, իսկ ոմանք ավանդական ամանորյա սեղանը բոլոր ուտեստներով ծածկելու համար, շտապում են բանկ՝ վարկ վերցնելու:
Ախալքալաքցիները գնումները սկսում են դեկտեմբերի կեսից, վերջին օրերի համար թողնում են փչացող սնունդը, մրգերը և բանջարեղենը: Նույնիսկ հացը Ախալքալաքի բնակիչները դեկտեմբերի վերջին օրը չեն գնում, այլ մի քանի օր առաջ՝ վախենալով, որ ժամանակին այն կսպառվի:
Ախալքալաքի բնակիչները, անկախ իրենց եկամուտից կողմնակից են Նոր տարին շքեղ նշելուն, թեև գիտեն, որ արձակուրդից հետո նրանց պարտքերը և վարկերը կավելանան:
Բնակիչների խոսքով, նոր տարին նշելու համար անհրաժեշտ է միջինը 1,5 – 2000 լարի:
Ըստ նրանց՝ գումարի մեծ մասը ծախսվում է խմիչքի և մսի վրա:
Ըստ Արմենի, ով սնունդ է գնել, առնվազն 400 լարի է պետք միայն միս գնելու համար, բայց եթե տանը խոզ ու անասուն եք պահում, կարող եք խնայել մինչև 400-600 լարի:
Որպեսզի ոչինչ չմոռանան, մարդիկ ժամանակից շուտ գրում են բոլոր անհրաժեշտ ապրանքների և իրերի ցանկը: Ցուցակն, ըստ էության, բոլորի համար նույնն է, քանի որ այնտեղ նրանք գրում են ամենաանհրաժեշտ բաները: Ոմանք նույնիսկ կատակում են` «թույլ տվեք վերաշարադրել ցուցակը»: Մենք չխնդրեցինք վերաշարադրել, բայց լուսանկարել թույլատրեցին:
Ըստ բնակիչների, 200-250 լարի արժեն միայն խմիչքները:
«Ընդհանուր առմամբ, Ամանորը լավ տոնելու համար մեզ հարկավոր է մինչև 2000 լարի», – ասում է Արթուրը:
Ըստ Ախալքալաքի բնակիչների, ամանորյա տոների ծախսերը գյուղերում ավելի էժան է նստում, քանի որ հավաստիացնում են, որ գյուղի բնակիչները ստիպված չեն գնել միս, ձու, հավ, կարտոֆիլ և մի քանի այլ բանջարեղեն և մրգեր:
Ըստ Ախալքալաքի շրջանի մեկ այլ բնակչի, 1500-2000 լարի է անհրաժեշտ միայն ապրանքների համար, չհաշված նվերներն ու զարդերը:
Նվերներ և բոլոր տեսակի Ամանորյա զարդեր գնելու համար անհրաժեշտ է ավելի քան 500 լարի, իսկ եթե որոշեք փոխել տոնածառը, ապա արդեն անհրաժեշտ է տրամադրել մինչև 1000 լարի:
«Ես միայն տոնածառի համար 200 լարի եմ վճարել՝ չհաշված խաղալիքները զարդարելու համար», – ասում է Լյովան:
Լրացուցիչ մոտավոր 200 լարի է անհրաժեշտ բոլոր տեսակի պայթուցիկ նյութերի և հրավառության համար:
Հարցին, թե հնարավո՞ր է խնայել վերը նշված բոլոր ծախսերը, մեծամասնությունը պատասխանեց` ամեն ինչ արվում է երեխաների համար:
