Վարդագույն ֆլամինգոյի ճուտը, որը չուի ընթացքում ուժասպառ լինելու պատճառով չէր կարողացել շարունակել իր ճանապարհը դեպի տաք երկրներ, պահվում էր Ջավախքի ազգային պարկում: Ֆլամինգոն բաց են թողել սեպտեմբերի 30-ին` օրնիտոլոգների (թռչնագետների) կողմից:
Սեպտեմբերի 30-ին, Իլիայի անվան համալսարանի թռչնագետները՝ պրոֆեսոր Զուրաբ Ջավախաշվիլիի գլխավորությամբ, ուսումնասիրեցին թռչնին և համոզվելով, որ նա կարող է շարունակել իր ճանապարհը, ազատ են արձակել: Ֆլամինգոյի վարդագույն ճուտն արդեն ունի հատուկ «գրանցում»՝ նրա ոտքին ամրագրված է «Սամցխե-Ջավախք» մակագրությամբ պիտակը:
Սեպտեմբերի վերջին Ջավախքի ազգային պարկի Մադաթափա լճի հարևանությամբ, տաք երկրներ չվող վարդագույն ֆլամինգոների երամ էին նկատել: Մի ֆլամինգո չէր կարողացել շարունակել ուղին՝ այն պատճառով, որ նա ուժասպառ էր եղել չուից: Թռչնին խնամել էին Ջավախքի ազգային պարկի աշխատակիցները: Նա գտնվում էր հատուկ թռչնանոցում:
Ֆլամինգոն էկզոտիկ թռչուն է Վրաստանի համար: Բոլոր ժամանակների ընթացքում, դեռ 2016-ին, վարդագույն ֆլամինգոն նկատվել է նաև Ջավախքի լճերում: Երկու անգամ դրանք ճտերն էին, որոնք դեռ չէին ընդունել իրենց վարդագույն երանգավորումը, միայն ժամանակի հետ փետուրները ստանում են նուրբ վարդագույն երանգ, իսկ դրանից հետո էլ դրանք վառ կարմիր կամ մանուշակագույն գույն են ստանում: Ֆլամինգոններն ունեն երկար, բարակ ոտքեր և ճկուն պարանոց: Դրանք տարածված են՝ Եվրոպայում, Ասիայում, Աֆրիկայում, Կենտրոնական և Հարավային Ամերիկայում: Վարդագույն ֆլամինգոյի համար Վրաստանի կլիման հարմար չէ մշտական բնակության համար:
