Այսօր՝ օգոստոսի 15-ին, Ջավախքի Մարդու իրավունքների պաշտպանի գրասենյակում տեղի է ունեցել հանդիպում կանանց իրավունքների պաշտպանության և հավասարության վերաբերյալ:
Հանդիպմանը ներկա են եղել հասարակական կազմակերպությունների ներկայացուցիչներ, հավասարության հարցերում այս կամ այն կերպ ակտիվորեն ներգրավվածություն, ինչպես նաև ակտիվ հասարակական գործունեությամբ զբաղվող կանայք:
Հանդիպումը Հանրային պաշտպանի գրասենյակի Գենդերային հավասարության նախագծի մաս է կազմում: Ծրագրի շրջանակներում գերատեսչության աշխատակիցները հանդիպումներ են ունենում Վրաստանի տարբեր մունիցիպալիտետներում, որոնք իրականացվում են հասարակության մեջ կանանց դերի ամրապնդման, նրանց քաղաքացիական ներգրավվածության բարձրացման նպատակով:
Մասնավորապես, բարձրացվել և քննարկվել են հետևյալ հարցերը.
— կանանց տեղեկացվածությունը Ախալքալաքի քաղաքապետարանին կից կանանց սենյակի առկայության մասին,
— գյուղերից կանանց մասնակցությունը գենդերային հավասարության հարցերին,
— Ախալքալաքում և շրջաններում կանանց եկամտի աղբյուրները և գործունեության ոլորտները,
— կին բնակչության ճանապարհին հանդիպող խնդիրները և դժվարություններ,
— ինչպես նաև այլ խնդիրներ:
Ստացված տվյալների հիման վրա կազմվում է զեկույց Վրաստանում և մունիցիպալիտետներում տիրող իրավիճակի վերաբերյալ՝ գենդերային հավասարության, կանանց իրավունքների պաշտպանության և հասարակության մեջ կանանց դերի վերաբերյալ, որը ներկայացվելու է ՄԱԿ-ին:
