Վրաստանի նախագահ Գիորգի Մարգվելաշվիլին կոչ է անում իշխանություններին չլուծարել նախագահական հիմնադրամը:
Հիմնադրամի լուծարքի չենթարկման մասին նա կոչ է արել նախագահի պալատում անցկացված միջոցառման ժամանակ, որտեղ տեղի է ունեցել վերջին 5 տարվա ընթացքում նախագահի պահուստային հիմնադրամի գործունեության մասին զեկույցի ներկայացումը:
«Ես ուզում եմ հորդորել մեր իշխանության այն ղեկավարներին, ովքեր այսօր որոշում են նախագահական հիմնադրամի հարցը՝ այդ հնարավորությունը թողնել նախագահին: Մի կրճատեք հանրության հետ շփվելու նախագահի հնարավորությունը: Այս հիմնադրամը այս հաղորդակցության ձեւն է: Այս հիմնադրամը շփվելու նման ձև է: Այս հիմնադրամը հնարավորությունն է՝ անձնական շփում ունենալ հասարակության հետ: Ես կոչ եմ անում նրանց ոչ թե կրճատել, այլ հակառակը` հնարավորություն տալ ապագա նախագահին, ավելի շատ հաղորդակցվել Վրաստանի քաղաքացիների հետ եւ ավելի շատ հնարավորություններ ընձեռել իրենց հայրենիքին ծառայելու: Հուսով եմ, որ նրանք ինձ կլսեն», – հայտարարել է Մարգվելաշվիլին:
Այս շաբաթ հայտնի է դարձել, որ 2019 թվականին Վրաստանի նախագահի վարչակազմի ֆինանսավորումը կկրճատվի 3,8 միլիոն լարիով (ավելի քան 1,4 միլիոն դոլար): Բացի այդ, նախագահական հիմնադրամը ամբողջությամբ կվերացվի: Մինչև օրս հիմնադրամին է փոխանցվել 5 միլիոն լարի (մոտ 1,9 միլիոն դոլար):
Նախօրեին ներկայացված զեկույցի համաձայն, 2014-2018թթ. նախագահական հիմնադրամից ֆինանսավորվել է ավելի քան 100 կազմակերպությունների 405 ծրագիր: Ծրագրերը վերաբերում էին Սահմանադրության տարածմանը, ժողովրդավարական ինստիտուտների ինստիտուցիոնալ ամրապնդմանը, մարդու իրավունքների իրազեկության բարձրացմանը, տարբեր սոցիալական խմբերի ինտեգրման խթանմանը եւ նրանց տնտեսական ամրապնդմանը:
Միեւնույն ժամանակ, նախագահի վարչակազմի ղեկավարը ընդգծել է, որ նրանք միշտ փորձել են բարձր մակարդակով ապահովել հիմնադրամի գործունեությունը: Այս նկատառումներից ելնելով, նախագծերի ֆինանսավորմամբ, դրամաշնորհի միայն 20%-ը բաժին է ընկել կազմակերպության անդամների աշխատավարձերին եւ վարչական ծախսերին: Մնացած գումարն անմիջականորեն ծախսվել է ծրագրերի աջակցության համար:
Հինգերորդ նախագահի երդմնակալության արարողությունից անմիջապես հետո ուժի մեջ կմտնեն սահմանադրական փոփոխությունները, որոնց համաձայն, պետության ղեկավարի լիազորությունները զգալիորեն կնվազեն: Չնայած նախագահը կմնա ոպրես երկրի գլուխ եւ գլխավոր հրամանատար, նա ստիպված կլինի համաձայնեցնել բոլոր որոշումները կառավարության հետ: Միեւնույն ժամանակ, նախագահը կպահպանի բանտարկյալներին համաներում շնորհելու, խորհրդարանի կողմից ընդունված օրինագծերի նկատմամբ վետո կիրառելու եւ հանրաքվեների նշանակման իրավունքները:
