Վրաստանի քաղաքացիները կընդունվեն ՆԳՆ-ի շարքերում միայն Ակադեմիայում կրթություն ստանալուց հետո, իսկ ուսման և պրակտիկայի ժամանակահատվածը կլինի վճարվող, խորհրդարանում հայտարարեց Գիորգի Գախարիան, ով այժմ նախարարի պարտականություններն է կատարում:
«Մենք արդեն քայլեր ենք ձեռնարկել և ասել, որ համակարգ ընկնելու միակ ճանապարհը կլինի վճարովի ստաժավորումը և ՆԳՆ ակադեմիան: Դա նշանակում է, որ Վրաստանի յուրաքանչյուր քաղաքացի հիմնական կուրսը անցնելու ժամանակ, որը ընտրվելու է Ներքին գործերի նախարարության կողմից անցկացվող թեստավորման միջոցով, Ակադեմիայում նրա ստաժավորման և ուսման շրջանում կլինի վճարովի», – ասաց Գախարիան:
«Վրաստանի ներքին գործերի նախարարությունում ծառայության կանոնների հաստատման մասին» համապատասխան փոփոխությունները արդեն մտցվել են Ներքին գործերի նախարարության կարգադրությունում:
Ներքին գործերի նախարարության Ակադեմիայում հիմնական կրթության առաջին երեք ամիսների ընթացքում ուսանողը կստանա կանոնավոր հաստիքի կեսը, 9-ամսյա քննական շրջանի ընթացքում` ամբողջ հաստիքը:
«Սա կլինի այն ինստիտուցիոնալ պրոցեսը, որի օգնությամբ յուրաքանչյուր անձ կարող է ընկնել Ներքին գործերի նախարարություն», – բացատրեց Գախարիան:
Իր ելույթի ընթացքում Ներքին գործերի նախարարության ղեկավարը հիշեցրեց պատգամավորներին, որ հուլիս ամսից 13,2 հազար ոստիկանների աշխատավարձը կբարձրանա 250 լարիով (ավելի քան 102 դոլար): Մինչ հիմա Վրաստանում ոստիկանների միջին աշխատավարձը կազմում էր 900 լարի (մոտ 370 դոլար):
