Ապրիլի 8-ին Ախալքալաքի հանրային թիվ 4 դպրոցում կայացավ «Սերունդների կապը» փաստագրական ֆիլմի դիտում, որը պատմում է Օսմանյան Թուրքիայում գազանաբար սպանված հայերի մասին։

«Սերունդների կապը» փաստագրական ֆիլմի ցուցադրությունը կազմակերպել էր Զորի Զորյան երիտասարդական միությունը հայկական թիվ 4 հանրային դպրոցի բարձր դասարանցիների համար։ Ցուցադրությունը նվիրված էր Հայոց Ցեղասպանության 100-ամյա տարելիցին։

Մինչ ֆիլմի ցուցադրությունը հայերի ցեղասպանության մասին կարճ դասախոսություն կարդաց պատմության ուսուցչուհի Գայանե Երեմյանը։ Աշակերտները ուշադրությամբ դիտեցին ֆիլմը, որը պատմում է, թե ինչպես և ինչքան հայ է սպանվել Թուրքիայում 1915 թվականին և կոնկրետ Թուրքիայում հայտնի հայ մտավորականների սպանությունների մասին։

Ֆիլմի ցուցադրության կազմակերպիչների նպատակն էր երիտասարդներին իրազակել Հայոց Ցեղասպանության ողբերգական դրվագների մասին։