Այսօր Ձնելաձե փողոցի կոյուղին մաքրվեց Գորիից ժամանած տեխնիկայի օգնությանբ, դրա հետ մեկտեղ Վրաստանի միացյալ ջրամատակարարման Ախալքալաքի սերվիս կենտրոնը մաքրել է նաև բնակիչների նկուղները: Սակայն ջրամատակարարման վերականգնումից հետո Ձնելաձեով ջուրը նորից հոսում է։
Տեխնիկան, որը ժամանել էր Գորիից կեսօրից աշխատում էր Ձնելաձե փողոցի կույուղու խցանված հատվածում, և մի քանի ժամվա աշխատանքի արդյունքում հաջողվել է մաքրել կոյուղին։
Արդեն 6-րդ օրն էր Ձնելաձե փողոցի բնակիչների բողոքի առիթ հանդիսացող կոյուղին խցանված էր հսկա քարակույտերով ու այլ առարկաներով։
«Կոյուղին արդեն մաքրված է, մաքրված են նաև բնակիչների նկուղները։ Կարելի է ասել մի քանի օրերում առաջացած խնդիրները ամբողջությամբ վերացված են», – ասաց Վրաստանի միացյալ ջրամատակարարման Ախալքալաքի սերվիս կենտրոնի տնօրեն Վարդ Մոսոյանը։
Սակայն եերկու ժամ անց, jnews.ge-ն ստացավ հաղորդագրություն Ձնելաձե փողոցի բնակչից:
«Նույն վիճակն է: Ջուրը միացնելուց հետո նույն կերպ կոյուղու ջուրը հոսում է փողոցով», – գրում է փողոցի բնակիչ Գարիկ Քամալյանը:
Խցանումը մաքրելու ժամանակ աշխատակիցներն ասում էին, որ եթե չստացվի այսկերպ մաքրել, ապա հնարավոր է անհրաժեշտ կլինի քանդել ասֆալտը ավելի շատ և փոխել կոյուղու գիծը: