Վրաստանի նախագահ Գիորգի Մարգվելաշվիլին մեկնաբանել է երկրի սահմանադրության խմբագրված նոր նախագիծը: Նախագծի համար, որը պատրաստել են պետական սահմանադրական հանձնաժողովի աշխատանքային խմբերը, հանձնաժողովի անդամները կքվեարկեն ապրիլի 22-ին:

Նախագահը գոհ չէ այն բանից, որ սույն նախագծի համաձայն, երկիրը փաստացիորեն չի ունենա գերագույն գլխավոր հրամանատար:

«Մենք ծանոթացանք ապագա սահմանադրության նոր տարբերակի հետ, և ես ուզում եմ անդրադառնալ մի քանի հիմնական կետերի: Առաջինը, ցավոք սրտի մերժվեց ժողովրդի կողմից երկրի նախագահին ընտրելու հստակ արտահայտված կամքը: Ըստ նոր կանոնների, նախագահին ընտրելու են ոչ թե քաղաքացիները այլ 300 ընտրող: Երկրորդ, այդպիսի կարգով ընտրված նախագահը, ըստ էության, չի ունենա այն փոքրիկ իրավունքները, որոնք մնացել էին 2013 թ.-ից հետո: Իսկ ամենավատն այն է, որ երկիրը ըստ էության չի ունենա գլխավոր հրամանատար», – հայտարարել է Մարգվելաշվիլին:

Նախագահը նշել է, որ բարձր է գնահատում նախագծում փոփոխությունների այն վիճակը, որը նախատեսում է մեծամասնական ընտրակարգով խորհրդարանական ընտրությունների վերացումը: Սակայն, նա նշել է, որ այս գրառման մեջ չկա հաստատակամություն:

«Սահմանադրության այս նախագծում, մենք իսկապես տեսանք մի քայլ առաջ, դա կայանում է նրանում, որ մենք անցնում ենք միայն համամասնական խորհրդարանական ընտրությունների: Թեև այս դեպքում նույնպես, անհասկանալի է գրանցումը այն մասին, որ ընտրություններում հաղթած կուսակցությունը, նույնիսկ եթե այն հաղթի միայն 1%-ով, ստանում է բոլոր մնացած չբաշխված ձայները», – ասել է Մարգվելաշվիլին:

Վրաստանի Սահմանադրության փոփոխությունների նախագիծը, սահմանադրական մեծամասնություն հանդիսացող իշխող կուսակցություն «Վրացական երազանքի» նախաձեռնությամբ, ենթադրում է երկրի նախագահի ուղղակի համաժողովրդական ընտրությունների վերացումը, ինչպես նաև զգալիորեն սահմանափակում նրա լիազորությունները: Ըստ այդ նախագծի, Վրաստանի նախագահը հինգ տարի ժամկետով կընտրվի առանց ընտրությունների և ընտրական խորհրդի գաղտնի քվեարկությամբ, որը բաղկացած կլինի 300 ընտրողներից:

Փաստաթղթում կոնկրետացված չէ ամսաթվերը, թե որ թվականից է նախագահը ընտրվելու ընտրական խորհրդի կողմից: