Քրիստոսի Հարության տոնի կապակցությամբ, Վրաստանի նախագահը համաներում շնորհեց 91 դատապարտյալի:
Այս մասին այսօր կայացած մամլո ասուլիսի ժամանակ հայտարարեց Համաներման հանձնաժողովի նախագահ Զվիադ Քորիձեն: Նախագահը այսօր ստորագրեց համաներման ակտը:
62 բանտարկյալներ թողնում են բանտային հաստատությունները այսօր: Կրճատվել են 29 դատապարտյալների ազատազրկման ժամկետները:
Համաներում շնորհվածների թվում են 4 կին: Նրանցից երեքը կլքեն ազատազրկման վայրը այսօր, իսկ մեկի մոտ կրճատվել է պատժի ժամկետը:
Համաներման հանձնաժողովը աշխատել է ապրիլի 4-ից 6-ը ներառյալ: Քննարկվել է 579 անձանց գործ:
