Սամցխե-Ջավախքի Ախալքալաքի ՀԿ-ների հարթակը առաջարկություններ է մշակել տեղի բնակիչների աշխատանքի տեղավորման վերաբերյալ: Այս նախագծի վրա հարթակն աշխատել է ավելի քան 5 ամիս և ձևակերպել կոնկրետ եզրակացություններ ու առաջարկներ։
Համաձայն Պլատֆորմի, զբաղվածության խնդրի ընթացիկ պատճառը զբաղվածության ոլորտում ներգրավված կազմակերպությունների, կրթական հաստատությունների և գործատուների միջև ծայրահեղ անբավարար հաղորդակցությունն է: Ուստի Պլատֆորմի կողմից ձևակերպված առաջարկություններից է․
«Զբաղվածության աջակցության գործակալությունը գյուղերում տեղեկատվական հանդիպումներ է անցկացնում, բայց նրանց գործունեությունը անտեսանելի է, մինչև իրենց հետ չես համագործակցում: Սակայն մեր հանդիպմանը, որին մասնակցեցին գործակալության և տեղի համալսարանի ներկայացուցիչները, վերջերս հանգեցրեց նրան, որ գործակալությունը միջոցառում անցկացրեց Սամցխե-Ջավախքի համալսարանի Ախալքալաքի շենքում»,- ասաց Պլատֆորմի ներկայացուցիչ Ռիմա Ղարիբյանը:
Նա նաև նշում է, որ նրանց միջև ինտենսիվ շփում է անհրաժեշտ, որպեսզի Սամցխե-Ջավախքի համալսարանի քոլեջն իմանա, թե ինչ մասնագիտություններ են շրջանում պահանջված, համապատասխան վերապատրաստման ծրագրեր բացելու նպատակով։
«Անհրաժեշտ է նաև հաղորդակցություն խոշոր ենթակառուցվածքային նախագծերի և մասնավոր բիզնեսի հետ։ Մեզ մոտ իրականացվում է միջազգային նախագիծ ՝ Բաքու-Թբիլիսի-Կարս (ԲԹԿ) երկաթգիծը, և չգիտենք, թե քանի և ինչպիսի աշխատողների պակաս ունեն, ինչ մասնագետների կարիք ունեն։ Աշխատանքի տեղավորման գործակալությունը կարող է իմանալ այս ամենի մասին, տեղեկացնել ուսումնական հաստատություններին և աշխատանք փնտրողներին»,- ասում է Ռիմա Ղարիբյանը։
Պլատֆորմը նաև այլ առաջարկություններ է արել Գործակալությանը։
Տղամարդկանց մեծամասնության համար առաջարկել այլընտրանք, ովքեր մեկնում են արտագնա աշխատանքի, հիմնականում՝ Ռուսաստան։
Ախալքալաքի բիզնես կենտրոնի տնօրեն, Պլատֆորմի ներկայացուցիչ Մախարե Մացուկատովն ասում է, որ արդեն կան նախադեպեր, երբ մարդիկ աշխատանք են գտել Բաթումիի շինարարական ընկերություններում, պարզապես պետք է համակարգել և օգնել մարդկանց աշխատանք գտնել, իսկ ընկերություններին՝ աշխատողներ։
Ախալքալաքի մունիցիպալիտետի ընտանիքների 57%-ից առնվազն մեկ տղամարդ մեկնում է արտագնա աշխատանքի, նրանցից 95%-ը մեկնում է Ռուսաստան։ Նրանք հիմնականում զբաղվում են շինարարությամբ և բարեկարգմամբ։ Այդ ոլորտի մասնագետները պահանջված են նաև հենց Վրաստանում, սակայն տեղի բնակչության մեծամասնությունը տեղեկատվություն փնտրելու հմտություններ չունի, որպեսզի տեղում փնտրի աշխատանք։ Արդիական է նաև որակավորման հաստատման հարցը և աշխատանքային փորձը։
Երիտասարդների հետ Պլատֆորմի քննարկումների ժամանակ ձևակերպվեց մեկ այլ հարց․
«Շատերը չգիտեն, թե ում դիմեն, տեղեկություն չկա, ոմանք էլ աշխատողներ են փնտրում, ինչպես նաև չգիտեն, թե ինչպես և որտեղ գտնել նրանց», – ասում է Մեծահասակների կրթության կենտրոնի տնօրեն, Հարթակի ներկայացուցիչ Շորենա Տեթվաձեն:
Որոշվել է նաև տեղական իշխանությունների կողմից զբաղվածության աջակցության ընդհանուր առաջարկությունը.
Քաղաքացիական զարգացման «Ապագայի կորպուս» ասոցիացիայի տնօրեն Վաղարշակ Շախբեկյանն առաջարկում է, որպեսզի Ախալքալաքի մունիցիպալիտետի բյուջեն ունենա հոդված և մեխանիզմ տարբեր կազմակերպությունների, հիմնարկների կամ ոլորտների երիտասարդ մասնագետների ֆինանսական աջակցության համար։
«Մասնակի սուբսիդավորեին աշխատավարձը կամ հումքը, քանի որ մինչև նորեկները սովորում են, շատ հումք են փչացնում։ Բյուջեով կարող էին վեց ամիս միջոցներ հատկացնել ընկերություններին , որպեսզի նրանց աշխատանքի ընդունեն, քանի որ մինչ նրանք հարմարվում են, սովորում, հումք են փչացնում , և որպեսզի ընկերությունը չտուժի, կարող են գոնե սուբսիդիաներ վճարել, օրինակ՝ հումքի ինքնարժեքի 10 տոկոսը փակելու համար»,- ասում է Վաղարշակ Շախբեկյանը։
Հասարակական կազմակերպությունների հարթակը Ախալքալաքում HEKS-EPER Georgia կազմակերպության կողմից իրականացվող «Քաղաքացիական հասարակության հզորացում սոցիալական, տնտեսական և քաղաքական կյանքին հավասար և լիարժեք մասնակցության համար» ծրագրի շրջանակներում տարբեր ձևաչափերի վեց հանդիպում է անցկացրել Ախալքալաքի ներկայացուցիչների հետ։ տարբեր ոլորտներ, հաստատություններ և կազմակերպություններ՝ բացահայտելու զբաղվածության խնդիրները, միգրացիան, գյուղերի զարգացումը և կրթական համակարգերին և գյուղատնտեսական բիզնեսին առնչվող մարտահրավերները: Այս հանդիպումներում քննարկելով այս ոլորտներում առկա խնդիրները և վերլուծելով ստացված տեղեկատվությունը, Ախալքալաքի հարթակը առաջարկություններ է մշակում Ջավախքում զբաղվածության բարելավման համար:
ეს მასალა შექმნილია ევროკავშირის (EU) ფინანსური მხარდაჭერით. მის შინაარსზე პასუხისმგებელია ააიპ “ღია საზღვრები” და შესაძლოა, რომ იგი არ გამოხატავდეს ევროკავშირის შეხედულებებს.
Այս նյութը պատրաստվել է Եվրոպական միության (ԵՄ) ֆինանսական աջակցությամբ։ Նյութի բովանդակության համար պատասխանատու է շահույթ չհետապնդող «Բաց սահմաններ» հասարակական կազմակերպությունը և պարտադիր չէ, որ այն արտահայտի Եվրոպական միության տեսակետները:
მასალა შექმნილია პროექტის „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი მონაწილეობისთვის“ ფარგლებში, განმახორციელებელი HEKS\EPER Georgia-ს მიერ რეგიონალურ პარტნიორ ორგანიზაციებთან, სამოქალაქო ინტეგრაციის ფონდი (CIF) – ქვემო ქართლი, სამოქალაქო საზოგადოების ფორმირების ხელშემწყობი ცენტრი (SCCSF) – სამცხე-ჯავახეთი, თანამშრომლობით.
Նյութը ստեղծվել է «Քաղաքացիական հասարակության հզորացում սոցիալական, տնտեսական և քաղաքական կյանքում հավասար և լիարժեք մասնակցության համար» ծրագրի շրջանակներում, որն իրականացվում է HEKS-EPER Georgia-ի կողմից, տարածաշրջանային գործընկեր կազմակերպությունների հետ համագործակցությամբ՝ Քվեմո Քարթլիում «Քաղաքացիական ինտեգրման հիմնադրամ»-ի (CIF) և Սամցխե-Ջավախքում «Քաղաքացիական հասարակության ձևավորման կենտրոն»-ի(SCCCF)։
