2017թ.-ի փետրվարի 3-ին Ախալքալաքում և մոտ 15 հարակից գյուղերում էլեկտրաէներգիայի ժամանակավոր անջատումներ են նախատեսվում պրոֆիլակտիկ աշխատանքների համար:

Ախալքալաքի Էլեկտրական ենթակայաններում փետրվարի 3-ին ժամը 13:00-ից 17:00-ն հնարավոր է էլեկտրաէներգիայի անջատումներ: Կանցկացվեն պլանավորված պրոֆիլակտիկ աշխատանքներ:

Ըստ Ախալքալաքի ենթակայանի ղեկավար Կարեն Կարապետյանի, պարտադիր չէ, որ անջատեն ժամը 13:00-ից մինչ 17:00-ին:

«Հնարավոր է անջատումը տևի ընդամենը 3 ժամ, կամ ավելի քիչ: Կան աշխատանքներ, որոնք հնարավոր է իրականացնել առանց էլեկտրաէներգիայի անջատման: Աշխատանքները իրականացնում ենք ոչ թե մենք, այլ Ախալցիխեի բրիգադը: Հավանաբար, կանջատեն միայն այն ժամանակ, երբ առանց դրան հնարավոր չլինի անել», – ասաց Կարեն Կարապետյանը:

Անջատումները կվերաբերվեն Ախալքալաք քաղաքին և մոտ 15 գյուղերի, որոնք էլեկտրաէներգիա են ստանում Ախալքալաքի ենթակայանից, օրինակ, Կուլիկամ, Խուլգումո, Կարտիկամ, Օլավերդ, Խորենիա գյուղերը և այլն:

Ըստ Կարեն Կարապետյանի ենթակայանի պրոֆիլակտիկ աշխատանքները կշարունակվեն նաև փետրվարի 6-ին: Էներգո Պրո Ջորջիայի որոշ բաժանորդներ, ովքեր էլեկտրաէներգիայի սպառման վճարման գումարը ստանում են բջջային հեռախոսների վրա (SMS), ծանուցում են ստացել նախատեսվող աշխատանքների և հնարավոր անջատման մասին:

Պետք է նշել, որ Ախալքալաքի շրջանում գործում են չորս էլեկտրական ենթակայան, որոնք էլեկտրաէներգիա են մատակարարում մոտակա գյուղերին: Այդ ենթակայանները հետևյալն են՝ Դիլիսկա, Հոկամ, Կոթելիա և Ղադոլար:

Շուշան Շիրինյան