Վրաստան կենդանի անասունների ներմուծումն աճել է 53%-ով։ Այս տարվա հունվար-հուլիս ամիսներին հանրապետություն է ներկրվել 9,79 մլն դոլարի 4356 տոննա կենդանի խոշոր եղջերավոր անասուն, իսկ նախորդ տարվա նույն ժամանակահատվածում՝ 2124 տոննա 9,3 մլն դոլարի չափով։
Սաքստատ արտաքին առևտրային պորտալի տվյալները ներկայացվում են 2009 թվականից, և ըստ այդ տվյալների՝ վերջին 16 տարիների ընթացքում կենդանի անասունների ներմուծումը Վրաստան եղել է պատմական առավելագույնի վրա։
Անցյալ տարի կենդանի եղջերավոր անասունի մեկ կիլոգրամի ներկրման միջին գինը կազմել է 4,4 դոլար, այս տարի՝ 2,2 դոլար։ Սա նշանակում է, որ ներմուծման գինը կրկնակի նվազել է։
Հարկ է նշել նաև, որ խոշոր եղջերավոր անասունների մեծ մասի ներմուծումն իրականացվում է Ռուսաստանից։ Ռուսաստանի մասնաբաժինը ներմուծման մեջ կազմում է 69%։ Բացի այդ, 2023 թվականի հունվար-հուլիսի համեմատ խոշոր եղջերավոր անասունների ներմուծումը Ռուսաստանից աճել է 358%-ով։ Եթե անցյալ տարի ներկրվել է 1,47 մլն դոլարի 709 տոննա ապրանք, ապա այս տարի այն աճել է մինչև 6,76 մլն դոլար (3716 տոննա)։
Երկրները, որտեղից կենդանի եղջերավոր անասուններ են ներմուծվել 2024 թվականի հունվար-հուլիսին.
Ռուսաստան՝ 3716 տոննա՝ 6,76 մլն ԱՄՆ դոլարի չափով,
Լատվիա՝ 199 տոննա՝ 1,06 մլն ԱՄՆ դոլարի չափով,
Էստոնիա՝ 234 տոննա՝ 995 հազար ԱՄՆ դոլարի չափով,
Ռումինիա՝ 74 տոննա, 416 հազար ԱՄՆ դոլարի չափով,
Չեխիա՝ 81 տոննա՝ 327 հազար ԱՄՆ դոլարի չափով,
Լիտվա՝ 35 տոննա՝ 148 հազար ԱՄՆ դոլարի չափով,
Նիդեռլանդներ՝ 16 տոննա՝ 86 հազար ԱՄՆ դոլարի չափով։
