Սահմանափակումը չի տարածվում միջկառավարական համաձայնագրերով նախատեսված մատակարարումների, անձնական օգտագործման և մարդասիրական օգնության վրա։
ՌԴ կառավարությունը երկարաձգել է բենզինի արտահանման ժամանակավոր արգելքը մինչև 2024 թվականի վերջ։ Այս մասին գրում են ռուսական ԶԼՄ-ները։
Ինչպես նշվում է, որոշում է կայացվել «պահպանել կայուն իրավիճակը նավթավերամշակման գործարանում սեզոնային պահանջարկի և պլանային վերանորոգման ժամանակաշրջանում»։
Սահմանափակումը չի տարածվի.
– միջազգային միջկառավարական համաձայնագրերի շրջանակներում մատակարարումների վրա, մասնավորապես ԵԱՏՄ երկրների հետ,
– վառելիքի վրա, որն արտահանվում է քաղաքացիների կողմից անձնական օգտագործման համար,
– վառելիքի վրա, որն արտահանվում է միջազգային մարդասիրական օգնություն տրամադրելու համար:
2024 թվականի սկզբին ռուսական նավթավերամշակման գործարանների վրա ուկրաինական անօդաչու թռչող սարքերի (ԱԹՍ) մի շարք հարձակումներից հետո Ռուսաստանում բենզինի արտադրությունը տապալվեց։
Նավթամթերքի արտահանման սահմանափակումներն առաջին անգամ մտցվեցին 2023 թվականի աշնանը, երբ իշխանություններն ու նավթագործները չկարողացան կարգավորել վառելիքի ճգնաժամը։
Բենզինի արտահանման երկրորդ արգելքը մտցվեց 2024 թվականի մարտի 1-ին, երբ բենզինի արժեթղթերի գները կտրուկ աճում էին։
