Երկրորդ եռամսյակում Վրաստանը զբոսաշրջությունից ստացել է 1 մլրդ 91 մլն դոլար եկամուտ, ինչը 8%-ով գերազանցում է նախորդ տարվա նույն ժամանակահատվածի ցուցանիշը։ 2019 թվականի տվյալների համեմատ՝ մինչ համավարակն աճը կազմում էր 24%։ Ազգային բանկը հրապարակել է միջազգային ճանապարհորդություններից ստացված եկամուտների տվյալները։

Երկրորդ եռամսյակում Վրաստանը ամենաշատ եկամուտը ստացել է Ռուսաստանից՝ 209 մլն դոլար։ ԵՄ երկրներից և Մեծ Բրիտանիայից ստացվել է ընդամենը 138 մլն դոլար։

Ավելի մանրամասն, զբոսաշրջությունից ստացված եկամուտները 2024 թվականի ապրիլ-հունիս ամիսներին ըստ երկրների բաշխված են հետևյալ կերպ.

• Ռուսաստան՝ 209 միլիոն դոլար,
• Թուրքիա՝ 169,6 միլիոն դոլար,
• ԵՄ երկրներ և Մեծ Բրիտանիա՝ 138 միլիոն դոլար,
• Իսրայել ՝ 109,7 միլիոն դոլար,
• Ադրբեջան՝ 37,9 մլն դոլար,
• Ուկրաինա՝ 36 միլիոն դոլար,
• Հայաստան՝ 32,8 մլն դոլար,
• Իրան՝ 34,7 մլն դոլար,
• Բելառուս՝ 22,4 միլիոն դոլար,
• Սաուդյան Արաբիա՝ 24,9 միլիոն դոլար,
• Այլ երկրներ՝ 275,8 միլիոն դոլար:

Հիշեցնենք, որ 2024 թվականի առաջին եռամսյակում Վրաստանը միջազգային զբոսաշրջությունից ստացել է 807,7 մլն ԱՄՆ դոլար եկամուտ, այդ թվում ամենաշատը՝ 171,2 մլն դոլարը Ռուսաստանից։