Խորհրդարանական ընտրությունները Վրաստանում տեղի կունենան 2024 թվականի հոկտեմբերի 26-ին։ Վրաստանում առաջին անգամ դրանք կանցկացվեն էլեկտրոնային համակարգի միջոցով։ Ախալքալաքի մունիցիպալիտետում 62 ընտրատեղամասից 28-ը կքվեարկեն էլեկտրոնային համակարգով, իսկ Նինոծմինդայի մունիցիպալիտետում՝ 35 ընտրատեղամասից 19-ը:
Այս տարի Վրաստանում ընտրություններն առաջին անգամ կանցկացվեն էլեկտրոնային համակարգի միջոցով։ Սակայն փոքր ընտրատեղամասերում և կենտրոններից հեռու գտնվող ընտրատարածքներում քվեարկության գործընթացը կանցնի նախկինի պես։
Ախալքալաքի մունիցիպալիտետում քվեարկությունն իրականացվելու է էլեկտրոնային համակարգի միջոցով հետևյալ ընտրատեղամասերում.
№ 1 Ախալքալաքի ընտրատեղամաս
№2 Ախալքալաք
№ 10 Արագվա
№ 11 Մաջադիա
№ 12 Օրջա
№ 13 Կորխ
№ 21 Դիլիսկա
№ 22 Վաչիան
№ 23 Չամդուրա
№ 24 Մուրջախեթ
№ 25 Զակ
№ 26 Բուղաշեն
№ 27 Բալխո
№ 28 Գոման
№ 29 Օլավերդ
№ 31 Կարտիկամ
№ 32 Կուլիկամ
№ 33 Աբուլ
№ 34 Խուլգումո
№ 38 Կոթելիա
№ 45 Կումուրդո
№ 47 Հոկամ
№ 51 Սուլդա
№ 52 Դադեշ
№ 59 Խոսպիո
№ 60 Բավրա
№ 61 Խորենիա
№ 62 Ախալքալաք
Մյուս ընտրատեղամասերում քվեարկության գործընթացը կանցնի հին համակարգով։
Նինոծմինդայի մունիցիպալիտետում քվեարկությունն իրականացվելու է էլեկտրոնային համակարգի միջոցով հետևյալ ընտրատեղամասերում.
№ 1 Նինոծմինդա
№ 2 Նինոծմինդա
№ 3 Նինոծմինդա
№ 7 Մեծ Գոնդուրա
№ 8 Փոքր Գոնդուրա
№ 9 Դիլիֆ
№ 10 Ղուլալիս
№ 11 Մամզարա
№ 12 Գորելովկա
№ 14 Ժդանովական
№ 18 Մեծ Խանչալի
№ 19 Փոքր Խանչալի
№ 21 Հեշտիակի
№ 22 Թորիա
№ 25 Սաթխա
№ 26 Օրոջալար
№ 27 Մեծ Արագյալ
№ 28 Փոքր Արագյալ
№ 34 Ջիգրաշեն
Մնացած ընտրատեղամասերում կքվեարկեն ըստ քվեարկության հին համակարգի։
Նշենք նաև, որ 2024 թվականի ընտրություններում, երկու ընտրատարածքում՝ Ախալքալաքում և Նինոծմինդայում, կրճատվել է ընտրատեղամասերի թիվը։
Ախալքալաքի մունիցիպալիտետում ընտրությունների ընտրատեղամասերի թիվը կրճատվել է մինչև 62 -ի: Ախալքալաքում կրճատվել է 4 ընտրատեղամաս, Կումուրդո գյուղում նախկին 2-ի փոխարեն մեկ տեղամաս է լինելու, միավորվել են նաև Դիլիսկա գյուղի 2 ընտրատեղամասերը։ Թախչա և Աբուլ գյուղերի ընտրատեղամասերը միավորվել են մեկ տեղամասում, մեկ ընտրատեղամասում են քվեարկելու նաև Թոթխամ և Կորխ գյուղերը։
Նինոծմինդայի մունիցիպալիտետում մնացել է 35 ընտրատեղամաս։ Ընդամենը 2 ընտրատեղամաս է կրճատվել, Նինոծմինդայում կար 4 ընտրատեղամաս, այժմ կբացվի 3-ը, իսկ Հեշտիա գյուղի թիվ 21 և թիվ 34 ընտրատեղամասերը միավորվել են մեկում։
Նոր «Ընտրական օրենսգրքի» համաձայն, քվեարկությունն իրականացվելու է էլեկտրոնային համակարգի միջոցով այն ընտրատեղամասերում, որոնք գտնվում են քաղաքից ոչ ավելի, քան 20 կմ հեռավորության վրա, և որտեղ 3000-ից ոչ ավել և 300-ից ոչ պակաս ընտրող կա։