2024 թվականի հուլիսի 31-ի տվյալներով, 2024 թվականի խորհրդարանական ընտրություններում, Վրաստանի բնակիչների ձայների համար կպայքարեն 15 քաղաքական սուբյեկտ, մեկ կուսակցության գրանցումը մերժվել է:
Վրաստանում խորհրդարանական ընտրությունները տեղի կունենան հոկտեմբերի 26-ին։ Խորհրդարանում արդեն պատգամավորներ ունեցող կուսակցությունների գրանցումը պետք է կատարվի քվեարկության օրվանից ոչ ուշ, քան 57 օր առաջ։ Նման կուսակցությունները 13-ն են, այդ թվում՝ իշխող «Վրացական երազանք-Ժողովրդավարական Վրաստան» կուսակցությունը և ընդդիմադիր «Միացյալ ազգային շարժումը»:
Այն կուսակցությունների համար, որոնք գործող խորհրդարանում ընտրված անդամներ չունեն, գրանցման դիմումների ընդունման վերջնաժամկետը լրացել է հուլիսի 15-ին։
Գրանցման համար ԿԸՀ են դիմել 28 քաղաքական միավորումներ, որոնցից 15-ը գրանցված են, իսկ 12-ն անցնում են գրանցման ընթացակարգ, մեկ կուսակցության գրանցումն արդեն մերժվել է:
Գրանցված են.
1. «Սաքարթվելո» կուսակցություն
2. «Երրորդ ուղի» կուսակցություն
3. «Գախարիան Վրաստանի համար» կուսակցություն
4. «Մեր միասնական Վրաստանը» կուսակցություն
5. Վրաստանի լեյբորիստական կուսակցություն
6. Սոցիալ-դեմոկրատական կուսակցություն
7. «Արդարության համար»
8. «Ազատ Վրաստան»
9. «Ձախ դաշինք»
10. «Անա Դոլիձե՝ ժողովրդի համար»
11. «Փոխիր Վրաստանը»
12. «Դեմոկրատների դաշինք»
13. «Տրիբունա»
14. «Կանաչների կուսակցություն»
15. «Ազատ ընտրություններ՝ նոր այլընտրանք»
«Ազատություն՝ Զվիադ Գամսախուրդիայի ճանապարհ» կուսակցության գրանցումը մերժվել է։
Հոկտեմբերի 26-ին կայանալիք խորհրդարանական ընտրությունների համար ընտրական բլոկ ստեղծելն արգելված է։ Ուստի կուսակցությունները ստիպված են այլ լուծումներ փնտրել։
