Աշխարհի ամենաազդեցիկ ամսագրերից մեկը՝ TIME-ն իր ընթերցողներին առաջարկում է 2024 թվականին այցելելու համար 100 արտասովոր ուղղությունները։ Տեղեկությունը տարածում է Զբոսաշրջության ազգային վարչությունը։
Հրատարակության ցանկում են հայտնվել Վրաստանն ու Քութայիսին։ Հոդվածում նկարագրված են ԱՄՆ-ի, Մեքսիկայի, Ֆրանսիայի, Իսպանիայի, Իտալիայի և աշխարհի այլ հայտնի զբոսաշրջային երկրների քաղաքները, առողջարանները, ազգային պարկերը և պահպանվող տարածքները։
«Բացի Թբիլիսիից և Կախեթիի գինեգործական շրջանից, Վրաստանում կարելի է այցելել Քութայիսի։ Այստեղ դուք կգտնեք բուտիկ հյուրանոցներ: Քութայիսին ոչ պաշտոնապես Վրաստանի մշակութային մայրաքաղաքն է։ Քութայիսին աստիճանաբար վերականգնում է ստեղծարարության և ճաշակի կենտրոնի իր կարգավիճակը։ Ինտերիերի դիզայներ Կատյա Սամսոնաձեն իր աշխատանքներում ժամանակակից նոստալգիայով է արտացոլում Քութաիսիի գեղարվեստական պատմությունը։ 20-րդ դարում Քութայիսին հայտնի էր իր վիպասաններով ու սիմվոլիստ բանաստեղծներով»,- գրում է TIME-ի լրագրողը։
Հոդվածում նկարագրված են Քութայիսիի փողոցները, Յասոնի և Մեդեայի արձանները։ TIME-ն ունի շաբաթական 26 միլիոն տպագիր ընթերցող, իսկ առցանց՝ ավելի քան 20 միլիոն ընթերցող:
