Վրաստանի ՆԳՆ Կենտրոնական քրեական ոստիկանության, պարեկային ոստիկանության, Թբիլիսիի, Աջարիայի, Սամեգրելո-Զեմո Սվանեթիի, Գուրիայի, Կախեթիի և Իմերեթիի ոստիկանական բաժանմունքների աշխատակիցները գլխավոր դատախազության հետ թմրանյութերի հետ կապված հանցագործությունների մեղադրանքով ձերբակալել են 27 մարդու, այդ թվում՝ 15-ը թմրանյութերի վաճառքով զբաղվողներ են։
Ներքին գործերի նախարարության տվյալներով՝ ձերբակալվածների թվում կան ինչպես Վրաստանի, այնպես էլ օտարերկրյա քաղաքացիներ։
«Իրավապահները որպես ապացույց առգրավել են տարբեր տեսակի խոշոր և առանձնապես խոշոր չափերի թմրամիջոցներ։ Դատավորի որոշման հիման վրա ոստիկանությունը մի քանի անգամ թմրամիջոցներ ապօրինի պահելու մեղադրանքով ձերբակալված անձանցից թմրամիջոցների հսկիչ գնումներ է կատարել և գաղտնի աուդիո-վիդեո ձայնագրել այդ գնումները։
Փաստերը հետաքննվում են Վրաստանի քրեական օրենսգրքի 260, 18-260, 19-260, 261, 262, 265, 273 և 19-273 հոդվածներով։
