Տեղեկատվության ազատության զարգացման ինստիտուտը (IDFI) հունիսի 13-ին հայտնել է, որ, ըստ Պետական աուդիտի ծառայության տվյալների, 2023 թվականին պետբյուջեից պարգևավճարների և հավելավճարների տեսքով ծախսվել է 413,6 մլն լարի, ինչը ռեկորդային ցուցանիշ է համարվում վերջին 10 տարիների ընթացքում։ Այս տվյալները չեն ներառում տեղական ինքնակառավարման մարմինների, շահույթ չհետապնդող իրավաբանական անձանց և հանրային սահմանափակ պատասխանատվությամբ ընկերությունների տվյալները:
Բացի այդ, հունիսի 12-ին IDFI-ն տեղեկություն է տարածել, որ 2023 թվականին, Վրաստանի Ազգային վիճակագրական ծառայության տվյալներով, պետական ծառայողների թիվը կազմել է 320,5 հազար մարդ, ինչը նույնպես ռեկորդային ցուցանիշ է վերջին 10 տարվա տվյալների համեմատ։
