2023 թվականին Վրաստանում օտարերկրյա ուղղակի ներդրումները կազմել են 1 միլիարդ 600 միլիոն դոլար, ինչը գրեթե մեկ քառորդով (24 տոկոսով) պակաս է, քան 2022 թվականին։

Առաջին տեղում ընկերությունների կանոնադրական կապիտալում ներդրումներն են՝ 1,16 մլրդ (+ 476 մլն ԱՄՆ դոլար)։

Վերաներդրումները՝ 1,27 մլրդ (- 99 մլն)

Պարտքային պարտավորությունները (առևտրային պարտավորություններ և վարկեր) — նվազում 857 մլն ԱՄՆ դոլարով:

Օտարերկրյա ուղղակի ներդրումների ամենամեծ ծավալը կատարվել է ֆինանսական և ապահովագրական ոլորտում՝ 630,1 մլն դոլար, ինչը կազմում է օտարերկրյա ուղղակի ներդրումների ընդհանուր ծավալի 39,5 տոկոսը։ Երկրորդ տեղում է մշակվող արդյունաբերությունը (291,7 մլն դոլար), երրորդում՝ տրանսպորտի ոլորտը (138,2 մլն դոլար)։

Վրաստանի խոշորագույն ներդրող երկրների վարկանիշը 2023 թվականին.

• Մեծ Բրիտանիա՝ 392 մլն դոլար, -10%;
• Նիդերլանդներ ՝ 361 մլն դոլար, + 84%;
• Թուրքիա՝ 169 մլն դոլար, + 206%;
• ԱՄՆ – 154 մլն դոլար, -13%;
• Ռուսաստան՝ 88 մլն դոլար, -19%;
• Մալթա ՝ 80 միլիոն դոլար, + 105%;
• Ադրբեջան՝ 54 մլն դոլար, +3053%;
• Չինաստան՝ 47 մլն դոլար, + 8%;
• Ճապոնիա՝ 46 մլն դոլար, -22%;
• Ղազախստան՝ 43 մլն դոլար, + 33%։

BM.ge բիզնես պորտալը Մեծ Բրիտանիայի առաջին տեղը բացատրում է նրանով, որ Վրաստանի երկու խոշորագույն ֆինանսական հաստատություններն իրավաբանորեն բրիտանական ընկերություններ են, և նրանց գործունեությունը արձանագրված է ուղղակի ներդրումների վիճակագրության մեջ: Նիդերլանդների երկրորդ տեղը բացատրվում է ևս նրանով, որ վրացական շատ ընկերություններ օրինական գրանցված են Նիդերլանդներում։