WhatsApp-ում հերթական նորույթն է հայտնվել։ Մեսենջերի բետա տարբերակն այժմ ունի արհեստական բանականության վրա հիմնված չատբոտ գործարկելու կոճակ: Այս մասին հայտնում է WABetaInfo կայքը։
Նորամուծությունը նկատել են Android-ի համար նախատեսված WhatsApp-ի բետա տարբերակում՝ 2.23.24.26 համարի ներքո։ Այժմ «Չատեր» ներդիրում նոր երկխոսություն ստեղծելու կոճակի վերևում կա պիտակ, որն էլ գործարկում է արհեստական բանականության հետ երկխոսության պատուհանը։
Ցավոք, ներկայումս միայն սահմանափակ թվով օգտատերերի են հասանելի արհեստական բանականության հետ «զրույցները», ինչի պատճառով դեռևս հնարավոր չէ ստուգել չատբոտի աշխատանքը:
Ամենայն հավանականությամբ, նոր կոճակը հասանելի կդառնա WhatsApp-ի կայուն տարբերակների օգտատերերին միայն արհեստական բանականությամբ չատբոտերի գործարկումից հետո։
Արհեստական բանականությամբ աշխատող գործառույթների մասին WhatsApp-ը հայտարարել էր սեպտեմբերի վերջին։ Մեսենջերի մշակողները խոստացել են ապագայում գործարկել միանգամից երեք գործառույթ՝ ներառյալ անհատական սթիքերներ ստեղծելու և տեքստային նկարագրությունների, ինչպես նաև արհեստական բանականության չատերի հիման վրա պատկերներ ստեղծելու հնարավորությունը։
Արհեստական բանականության հետ երկխոսության պատուհանում օգտատերերը կկարողանան հարցեր տալ ցանկացած թեմայով կամ, ինչպես ասում են մշակողները, բանավեճեր կազմակերպել տասնյակ յուրահատուկ կերպարների հետ, որոնք կարտահայտեն իրենց կարծիքը։
