Վրաստանում Նիդերլանդների նոր դեսպան է նշանակվել Մելինե Առաքելյանը։
Նոր դեսպանն արդեն սկսել է իր դիվանագիտական առաքելությունը Վրաստանում։ Ավելի վաղ նա իր հավատարմագրերն էր հանձնել Վրաստանի նախագահին և արտաքին գործերի փոխնախարարին։
«Մենք ակնկալում ենք, որ առաջիկա տարիներին Վրաստանի և Նիդերլանդների միջև արդեն գոյություն ունեցող բարեկամական հարաբերություններն էլ ավելի կխորանան, և մենք միասին կանենք շատ կարևոր բաներ»,- ասված է Նիդերլանդների դեսպանատան հաղորդագրության մեջ։
Վրաստանում Նիդերլանդների նախկին դեսպան Մայկե վան Կոլդամը հուլիսին ավարտեց իր դիվանագիտական առաքելությունը երկրում։
