Ախալքալաքի մունիցիպալիտետի Սակրեբուլոն հավանություն է տվել եւս հինգ գյուղական ամբուլատորիաների փոխանցմանը «Վրաստանի բժշկական հոլդինգին»։ Ընդհանուր առմամբ, Ախալքալաքի մունիցիպալիտետից Հոլդինգին արդեն փոխանցվել է 10 ամբուլատորիա:
Բժշկա-սանիտարական առաջնային ծառայությունները և բուժանձնակազմի աշխատանքային պայմանները բարելավելու նպատակով պետությունը որոշել է Վրաստանի ողջ գյուղական շրջաններում ամբուլատորիաների կառուցման համար նախատեսված բժշկական ամբուլատորիաները և հողատարածքները փոխանցել «Վրաստանի բժշկական հոլդինգ» կազմակերպությանը:
Երկրորդ փաթեթով որոշվել է երկու տարով փոխանցել հետեւյալ ամբուլատորիաները.
Առաջին փաթեթով՝ 2022 թվականի սեպտեմբերին, փոխանցվել է հինգ ամբուլատորիա։ Դրանք Մաջադիա, Դիլիսկա, Զակ, Ղադոլար և Արագվա գյուղերինն են։
Ախալքալաքի մունիցիպալիտետի գյուղերում կա 44 բուժքույր և 23 բժիշկ։ Ամբուլատորիաներ կան Սուլդա, Ազավրեթ, Բեժանո, Ալաստան, Բարալեթ, Դիլիսկա, Վաչիան, Կումուրդո, Չունչխա, Խանդո, Տուրցխ, Արագվա, Չամդուրա, Զակ, Կարտիկամ և Ղադոլար գյուղերում։ Որոշ ամբուլատորիաներում չկա գույք, էլեկտրականություն։
Մյուս գյուղերում բուժքույրերն աշխատում են տնից։
2019 թվականին պետական ծրագրի շրջանակներում Ախալքալաքի մունիցիպալիտետի չորս գյուղերում կառուցվել են ամբուլատորիաներ, իսկ հինգ գյուղերում հիմնանորոգվել են գործող ամբուլատորիաները։
