Այսօր՝ սեպտեմբերի 17-ին, Ախալքալաքի մշակութային երիտասարդական կենտրոնում վերսկսվեցին դասընթացները։
Կենտրոնը ինչպես միշտ մարդաշատ էր, ԱԵԿ-ի պատասխանատու Կարինե Թադևոսյանը ողջունեց ուսուցիչներին, սաներին և ծնողներին, շնորհավորելով նոր ուսումնական տարվա կապակցությամբ։
Դասընթացների մեկնարկին նվիրված միջոցառում տեղի չունեցավ, տիկին Կարինեի խոսքով, քանի դեռ Հայաստանի սահմանին իրավիճակը լարված է, նրանք անկարող են որևէ միջոցառում անցկացնել։
Նշենք, որ ԱԵԿ-ը շրջանում միակ ուսումնական հաստատությունն է որտեղ կարող եք ստանալ Հայոց պատմության անվճար դասընթացներ, այն հնարավորություն է տալիս ճանաչելու և սովորելու հայ ժողովրդի պատմությունը և անցած ուղին։
Բացի Հայոց պատմությունից ԱԵԿ-ում անցկացվում են նաև հետևյալ դասընթացները․
Հայոց լեզու և գրականություն, վրացերեն, անգլերեն, երգարվեստ, պարարվեստ, նկարչություն, դիզայն և ասեղնագործություն
ԱԵԿ-ի պատասխանատուն նշում է՝ դասընթացների գրանցումը բերքահավաքով պայմանավորված երկարաձգվում է, սաները կարող են գրանցվել այցելելով կենտրոն։
