Ախալքալաքի մունիցիպալիտետում իրավաբանական եւ ֆիզիկական անձանց համար շինարարական թույլտվությունների նոր սակագները հաստատվել են Ախալքալաքի մունիցիպալիտետի Սակրեբուլոյի հերթական նիստում:
«Ախալքալաքի մունիցիպալիտետի տարածքում տեղի սակագների, տուրքերի եւ հարկերի վերաբերյալ» որոշման համաձայն, հաստատվել է հետեւյալը:
1․ Շինարարական օբյեկտի սեփականատեր հանդիսացող ֆիզիկական կամ իրավաբանական անձը պետք է վճարի թույլտվության համար։
2․ Այն օբյեկտները, որոնք տուժել են տարերային աղետների ժամանակ ազատվում են շինարարության թույլտվություն հարկավճարից։
3․ Թույլտվության վճարի չափը շինարարության համար որոշվում է շինարարության ինտենսիվության գործակցի համաձայն, այսինքն՝ շինօբյեկտի բոլոր հարկերի հանրագումար մակերեսով կամ կառուցվող օբյեկտի քառակուսի մետրով։
Բնակելի շենք կառուցելու թույլտվության հարկը հաշվարկվում է 1 լարի՝ 1 քառ / մ֊ի դիմաց։
Ոչ բնակելի, կոմերցիոն օբյեկտի դեպքում՝ 2 լարի յուրաքանչյուր քառակուսի մետրի դիմաց։
Շինարարության վերականգնման, վերակառուցման (եթե շինության տարածքը չի փոխվում) դեպքում՝ 50 թեթրի մեկ քառակուսի մետրի
դիմաց:
4. Այն օբյեկտների շինարարության դեպում, որոնք չունեն շինարարության ինտենսիվության գործակցի հաշվետվական տարածք, թույլտվության հարկավճարը սահմանվում է հետեւյալ կերպ.
Երկրորդ դասի օբյեկտները՝ 50 լարի,
Երրորդ դասի օբյեկտները՝ 200 լարի,
Իսկ չորրորդ դասինը՝ 400 լարի։
Շինարարական օբյեկտները, որոնք կառուցվում են Ախալքալաքի մունիցիպալիտետի տարածքում, տեղական ինքնակառավարման մարմինների կողմից, ազատվում են վճարման թույլտվության հարկավճարից կամ օգտվում են արտոնությունից:
