Այսօր՝ մարտի 14-ին, Վրաստանի նախագահ Սալոմե Զուրաբիշվիլին ելույթ կունենա խորհրդարանում:
Նախագահի խորհրդարանական քարտուղար Գիորգի Մսխիլաձեի խոսքով՝ Սալոմե Զուրաբիշվիլին անպայման կխոսի երկրի առջև ծառացած մարտահրավերների, ինչպես նաև այն քայլերի մասին, որոնք պետք է ձեռնարկի պետությունը։
«Վստահ եմ, որ նախագահն իր ելույթում կունենա այդ մեսիջները և կբարձրացնի այն հարցերը, որոնք պետք են երկրին»,- ասել է Գիորգի Մսխիլաձեն։
Սա Սալոմե Զուրաբիշվիլիի չորրորդ տարեկան զեկույցը կլինի նախագահի պաշտոնում։