Օրջա գյուղ տանող ճանապարհին խցանում է առաջացել, երթևեկությունն արգելափակվել է, քանի որ ճանապարհի որոշ հատվածներում մերկասառույց է, բացի այդ բեռնատար մեքենաները ճանապարհից դուրս են մղել երկու մարդատար ավտոմեքենայի, ձյուն մաքրող տեխնիկան նույնպես արգելափակվել է խցանման մեջ:
Մի քանի տասնյակ ավտոմեքենաներ մնացել են Արագվա-Օրջա ճանապարհին։ Մեքենաները կուտակվել են Ախալքալաք-Արագվա մայրուղու խաչմերուկից մինչև Օրջա գյուղից ոչ շատ հեռու: Քամին փակել է ճանապարհը, որոշ ավտոմեքենաներ խրվել են ձյան մեջ, որոշները դուրս են եկել խցանումից: Ձյուն հավաքող տեխնիկան, որը ժամանել է դեպքի վայր, ճանապարհը բացելու նպատակով, նույնպես խրված է և գտնվում է խցանման մեջ:
Տեղում է գտնվում Ախալքալաքի մունիցիպալիտետի քաղաքապետը:
Jnews-ը հետևում է ճանապարհներին իրադարձությունների զարգացման ընթացքին: