Զարդարված Ախալքալաքը սպասում է Նոր տարվա գիշերվան, երբ երկշաբաթյա խելահեղ մթերային մրցավազքից և բազմօրյա պատրաստություններից ու սեղան գցելուց հետո ախալքալաքցիները կհանգստանան ու ամբողջ ընտանիքով ու հարազատներով կնստեն ամանորյա սեղանի շուրջ՝ նշելու Նոր տարվա գալուստը։
Դեկտեմբերի 29-ին քաղաքի զարդարման վերջնական շտկումները կատարվեցին, ամեն երեկո ծնողները երեխաների հետ գալիս են քաղաքի կենտրոնում գտնվող տոնածառի մոտ՝ նկարվելու և ուրախացնելու իրենց երեխաներին։
Լուսապսակներով են զարդարված նաև Սուրբ Խաչ եկեղեցու բակը և Խաս Բախչա քաղաքային զբոսայգին։ Լրիվ հեքիաթական տրամադրության համար պակասում է միայն առատ ձյունը։
Քրիստինե Մարաբյան