Հայաստանում նախորդ մեկ օրվա ընթացքում կորոնավիրուսի դեպքերի թիվն ավելացել է 492-ով, կատարվել է 7436 թեստավորում:

Հիվանդությունից ապաքինվել է 1594 հոգի, գրանցվել է մահվան 25 դեպք, հայտնում է Առողջապահության նախարարությունը:

Հաստատվել է կորոնավիրուսի ընդհանուր 334 հազար 75 դեպք, որոնցից 305 հազար 611-ը` առողջացած: Փաստացի բուժում է ստանում 19 հազար 781 պացիենտ:

Ընդհանուր առմամբ, կորոնավիրուսի հետևանքով 7278 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1405 է:

Ընդհանուր կատարվել է 2 միլիոն 306 հազար 456 թեստավորում: