Վրաստանի առողջապահության նախարար Էկատերինե Տիկարաձեի խոսքով, Pfizer պատվաստանյութը քաղաքացիներին հասանելի կլինի միայն կլինիկաներում, AstraZeneca-ն հասանելի կլինի միայն որոշ կլինիկաներում, իսկ Sinopharm և Sinovak պատվաստանյութերով կարող են պատվաստվել լրացուցիչ կազմակերպված կենտրոններում:

«Մենք նույնականացրել ենք այնպիսի շրջաններ, որտեղ, ցավոք, կլինիկական մասը քաղաքացիների համար ավելի քիչ հասանելի է: Մենք կփորձենք օգտագործել այլ ձևաչափ և կազմակերպել տարածքներ՝ զանգվածային պատվաստման համար: Նման մեկ օրինակ մենք ունենք արդեն Վրաստանում, մասնավորապես՝ Թբիլիսիում գտնվող «Հուալինգ» կենտրոնը:

Ցանկանում եմ հասարակության համար պարզաբանել, որ Pfizer պատվաստանյութը հասանելի կլինի միայն կլինիկաներում: Քանի որ դա կարևոր է՝ ելնելով որոշակի անվտանգությունից: AstraZeneca-ն նույնպես հասանելի կլինի որոշ կլինիկաներում: Իսկ Sinopharm և Sinovak չինական պատվաստանյութերով կարող են պատվաստվել լրացուցիչ կազմակերպված կենտրոններում: Սա այն տեղեկատվությունն է, որը մենք համաձայնեցրել ենք այս պահի դրությամբ», — հայտարարել է Տիկարաձեն: