«Վարչապետ Իրակլի Ղարիբաշվիլիի գլխավորած Կառավարության վարչությունում այսօր կայացած համակարգող խորհրդի նիստում, քննարկվել է այսպես կոչված covid-անձնագրերի հարցը, որոնք տրվելու են պատվաստման ամբողջական ընթացքն ավարտելուց հետո: Ակտիվ աշխատանքներ են տարվում այս խնդրի շուրջ և մոտ ժամանակներս այն հաստատման համար կներկայացվի Միջգերատեսչական համակարգող խորհրդին», – հաղորդում է Կառավարության վարչության մամուլի ծառայությունը:
Նրանց իսկ տեղեկատվությամբ, այս շաբաթվանից կառավարության և խորհրդարանի անդամները ներգրավված կլինեն պատվաստման գործընթացում:
Նշվել էր, որ համակարգը պատրաստ է նույնիսկ ամենավատ սցենարի, և կառավարությունը լիովին վերահսկում է գործընթացը: Ինչպես գիտեք, մինչև մայիսի 12-ը տոների կապակցությամբ քաղաքային տրանսպորտի աշխատանքը սահմանափակ է ամբողջ Վրաստանում, ինչը նպատակ ունի նվազագույնի հասցնել շարժունակությունը և կանխել վիրուսի տարածումը:
Միջգերատեսչական համակարգող խորհուրդը մեկ անգամ ևս կոչ է անում քաղաքացիներին պահպանել սահմանված կանոնակարգերը և օգնել կանխել վիրուսի տարածումը, ճիշտ կրել դիմակը և պահպանել ֆիզիկական հեռավորությունը:
Միջգերատեսչական համակարգող խորհուրդը կշարունակի վերահսկել առկա համաճարակային միտումները և հետագա որոշումները կայացնել` հիմնվելով համաճարակաբանական իրավիճակի մանրամասն վերլուծության վրա:
Վրաստանում կորոնավիրուսի առաջին դեպքից առ այսօր հայտնաբերվել է վիրուսի լաբորատոր հաստատված 313 742 դեպք, որից բուժվել է 295 458 մարդ, մահացել՝ 4 183֊ը:
Այս պահին 89 մարդ գտնվում է կարանտինում, 788 մարդ գտնվում է կովիդ հյուրանոցներում, 4209 մարդ գտնվում է հիվանդանոցներում՝ բժիշկների հսկողության ներքո: