Վրաստանում սեպտեմբերի 1-ից ուժի մեջ են մտնում Երեխաների օրենսգրքում կատարված փոփոխությունները: Մասնավորապես, դրանք վերաբերում են ինտերնետ կոնտենտին և հեռուստատեսությանը: Հաղորդակցման հանձնաժողովի հրապարակած կանոնների համաձայն՝ գեղարվեստական և անիմացիոն ֆիլմերը, հեռուստասերիալները, խաղերը և այլ նյութեր հրապարակելիս ռեսուրսները պարտավոր են նշել տարիքային սահմանափակումները:
Հաղորդակցման հանձնաժողովը շաբաթական կտրվածքով կթարմացնի երեխաների համար վտանգ ներկայացնող ռեսուրսների ցանկը:
Հեռուստաալիքները պարտավորվում են ցանցը կազմել այնպես, որ տարիքային սահմանափակումներին համապատասխան հաղորդումները եթեր հեռարձակվեն կոնկրետ ժամանակահատվածում.
. 18-ից բարձր անձանց համար հեռուստահաղորդումները` 18:00-ից 00:00,
. 15 տարեկանից ցածր անչափահասների համար` 06:00-23:00,
. 12 տարեկանից ցածր անչափահասների համար` 06:00-ից 21:00,
. 7 տարեկանից ցածր անչափահասների համար` 06:00-ից 21:00:
Սահմանված կանոնների առաջին խախտման դեպքում ինտերնետ-ռեսուրսները կտուգանվեն 1000 լարիով (ներկայիս փոխարժեքով մոտավորապես 325 ԱՄՆ դոլար), իսկ կրկնակի խախտման դեպքում` 3000 լարիով (ներկայիս փոխարժեքով մոտավորապես 976 ԱՄՆ դոլար): Հեռուստաընկերությունների համար առաջին տուգանքը սահմանվում է 2500 լարի (ներկայիս փոխարժեքով մոտավորապես 813 ԱՄՆ դոլար) կամ հեռուստաընկերության տարեկան եկամտի 0,5%-ից ոչ ավելիի չափով: Կրկնակի խախտումների դեպքում հեռարձակման լիցենզավորումը կդադարեցվի:
