Այսօր Վրաստանում հաստատվել է նոր կորոնավիրուսի ևս 8 նոր դեպք: Ընդհանուր վարակվածների թիվը հասավ 23-ի:
Տվյալները րոպեներ առաջ թարմացվել են Վրաստանի կառավարության կողմից ստեղծված «stopcov.ge» պաշտոնական կայքէջում:
Բացի այդ, պաշտոնական տվյալներով կարանտինի ռեժիմում է 126 մարդ, ստացիոնարում բժիշկների հսկողության ներքո է գտնվում 46 մարդ:
Հարկ է նշել, որ Իտալիայից Վրաստան հատուկ իրականացված չվերթով վերադարձած Վրաստանի քաղաքացիներն այս պահին տեղափոխվում են կարանտինային գոտի:
Վրաստանում նոր կորոնավիրուսի առաջին դեպքը գրանցվել էր փետրվարի 26-ին:
