ԱՄՆ-ի նախագահ Դոնալդ Թրամփը Վրաստանում Միացյալ Նահանգների արտակարգ և լիազոր դեսպանի պաշտոնում է առաջադրել Քելլի Դեգնանի թեկնածությունը: Քելլի Դեգնանը ներկայումս զբաղեցնում է Եվրոպայում և Աֆրիկայում ԱՄՆ-ի ռազմածովային ուժերի հրամանատարի քաղաքական խորհրդականի պաշտոնը:
Այս մասին հայտնում է Սպիտակ տան մամլո ծառայությունը:
Ամերիկայի Միացյալ Նահանգները Վրաստանում դեսպան չունի անցած տարվանից: Այս պաշտոնը զբաղեցնում էր Յան Քելլին, ով իր լիազորությունները կատարել է մինչև 2018 թվականի մարտ ամիսը: Այս պահին Վրաստանում ԱՄՆ-ի դեսպանի պարտականությունները կատարում է Էլիզաբեթ Ռուդը:
Կալիֆորնիացի Քելլի Դեգնանը դիվանագետ է և ունի խորհրդական-դեսպանորդի դիվանագիտական աստիճան: Ներկայումս նա զբաղեցնում է Եվրոպայում և Աֆրիկայում ԱՄՆ-ի ռազմածովային ուժերի հրամանատարի քաղաքական խորհրդականի պաշտոնը, Եվրոպական և Աֆրիկայում ԱՄՆ նավատորմի հրամանատարի քաղաքական խորհրդականի պաշտոնը:
Դրանից առաջ Դեգնանը զբաղեցրել է Իտալիայում ԱՄՆ դիվանագիտական ներկայացուցչության ղեկավարի տեղակալի, ինչպես նաև Կոսովոյում դիվանագիտական առաքելության ղեկավարի տեղակալի պաշտոնում: Իր 25-ամյա կարիերայի ընթացքում Դեգնանը աշխատել է նաև Բրյուսելում, ՆԱՏՕ-ում ԱՄՆ առաքելության քաղաքական խորհրդատու, իսկ Անկարայում որպես ԱՄՆ դեսպանատան քաղաքական խորհրդականի տեղակալ: Պետդեպարտամենտում Դեգնանը ծառայում էր որպես քաղաքական հարցերով պետքարտուղարի հատուկ օգնական:
Վրաստանում ԱՄՆ դեսպանների թեկնածուն փիլիսոփայության դոկտոր է և ունի լրագրության բակալավրի աստիճան: Նա խոսում է ուրդու, ինչպես նաև իտալերեն, ֆրանսերեն և թուրքերեն: