«Ազգային շարժման» անդամ Նիկա Մելիայի նկատմամբ, որպես խափանման միջոց ընտրվել է 30 000 լարի չափով գրավը:
Որոշումը կայացրել է դատավոր Թեմուր Գոգոխիան: Նրա խոսքերով, Մելիային արգելվում է լքել բնակության վայրն առանց հետաքննչական մարմնին տեղեկացնելու և նրա համաձայնության:
Պաշտպանական կողմը պահանջում էր 10 հազար լարի գրավ:
Դատախազները պահանջում էին Մելիայի ձերբակալությունը:
Նիկա Մելիան մեղադրվում է Վրաստանի Քրեական օրենսգրքի 225-րդ հոդվածի առաջին և երկրորդ մասերով` խմբակային բռնարարքների կազմակերպման, դրա ղեկավարման կամ դրանում մասնակցության համար: Եթե նա մեղավոր ճանաչվի, նրան սպառնում է 6-9 տարի ազատազրկում:
Վրաստանի խորհրդարանը երեկ համաձայնություն տվեց, որ դատախազությունը դիմի դատարան` Նիկա Մելիային ձերբակալելու մասին միջնորդությամբ:
