Մինչեւ 2019 թ.-ի վերջ բնական գազի արտահոսքի դետեկտորների տեղադրումը, բոլոր բնակելի շենքերում ինչպես հին, այնպես էլ նոր, կդառնա պարտադիր: Այս մասին այսօր մամուլի ասուլիսում հայտարարել է էներգոօմբուդսմեն Սալոմե Վիրդիաշվիլին:
Նրա խոսքով, նախատեսվում է ստեղծել անկախ մարմին, որը կվերահսկի դետեկտորների տեղադրումը: Բացի այդ, սպառողը պարտավոր է տարին մեկ անգամ կապ պահպանել լիցենզավորված ընկերություններից մեկի հետ, որը պարտադիր կարգով պիտի ստուգի ցանցը:
Համապատասխան օրինագիծն արդեն մշակվել է Վրաստանի էկոնոմիկայի եւ կայուն զարգացման նախարարի կողմից:
«Մենք նաեւ մտածում ենք սարքերի ձեռքբերման արտոնյալ համակարգի մասին, քանի որ դա քաղաքացիների համար կարող է դառնալ ծանր բեռ: Ընկերությունը կկատարի տեղադրումը, այնուհետեւ կկազմի վճարման ժամանակացույցը », – նշել է Վարդիաշվիլին:
Բնական գազի արտանետման դետեկտոր հնարավոր է ձեռք բերել գրեթե բոլոր տեխնիկայի խանութներում, սակայն, ըստ էներգոօմբուդսմենի, սարքավորումների մակարդակը պիտի թույլ տա ոչ միայն վտանգի պահին ազդանշան տալ, այլեւ, անհրաժեշտության դեպքում, ավտոմատ կերպով անջատել բնական գազի հոսքը:
Գազի սարքավորումների շահագործման հետ կապված խնդիրը Վրաստանում հատկապես արդիական դարձավ գազի արտահոսքի պատճառով տեղի ունեցած մի քանի մահացու դեպքերից հետո:
Անցած ամիս միայն «KazTransGas» գազաբաշխիչ ընկերության մասնագետները ցանցից անջատել են 7281 ինքնակամ տեղադրված գազի տաքացուցիչներ եւ բաց այրման խցիկով «կաթսաներ», որոնք արգելված են օգտագործել փակ տարածքներում:
Վիճակագրության համաձայն, ապրիլին ամենաշատ խախտումները արձանագրվել են Իսանի-Սամգորի, Դիդուբե-Չուղուրեթի եւ Գլդանի-Նաձալադևի թաղամասերում:
Նյութը ՝ «Նորություննե Վրաստան»-ի