Ախալքալաքում հետաքրքրված են գյուղերի խնդիրներովանկախ եւ պրոֆեսիոնալ լրատվություն • ինֆորմացիայի վստահելի աղբյուր Ջավախքում

Գյուղատնտեսության նախարարության Ախալքալաքի տեղեկատվա-խորհրդատվական կենտրոնի աշխատակիցները շրջում են գյուղերով, ծանոթանում գյուղատնտեսական խնդիրներին, ինչպես նաև բնակչությանը
տեղեկացնում են պետական ծրագրի մասին:

Այսօրվանից սկսած 2 ամսվա ընթացքում, տեղեկատվա -խորհրդատվական կենտրոնի աշխատակիցները պետք է շրջեն մունիցիպալիտետի 64 գյուղերով: Նրանք խնդրում են ֆերմերներին լինել ակտիվ և մասնակցել իրենց հանդիպումներին:

«Գյուղեր կան, որոնք ունեն խնդիրներ, բայց մենք չգիտենք դրանց մասին: Հետևաբար, մենք ուզում ենք շրջել գյուղերով և իմանալ դրանց մասին », — ասում է Վրաստանի Շրջակա միջավայրի պահպանության և գյուղատնտեսության նախարարության Ախալքալաքի տեղեկատվա-խորհրդատվական կենտրոնի առաջին կարգի ավագ մասնագետ Ռամազ Գոգոլաձեն:

Տեղեկատվա -խորհրդատվական կենտրոնի աշխատակիցները ֆերմերներին կծանոթացնեն գյուղատնտեսական տեխնիկայի պետական սուբսիդավորման նոր ծրագրի հետ:

Ըստ այդ ծրագրի, գյուղատնտեսական տեխնիկա հնարավոր է գնել վճարելով գնի 50%, իսկ մնացածը կվճարի պետությունը:

Ըստ Վրաստանի Շրջակա միջավայրի պահպանության և գյուղատնտեսության նախարարության Ախալքալաքի տեղեկատվա-խորհրդատվական կենտրոնի առաջին կարգի ավագ մասնագետ Ռամազ Գոգոլաձեի, հանդիպումների ընթացքում նրանք կանցկացնեն նաև խորհրդատվություններ ցանքաշրջանառություն կարևորության, հողի անալիզի, սերմացուի և շատ այլ բաների մասին:

Շուշան Շիրինյան

Ախալքալաքում հետաքրքրված են գյուղերի խնդիրներով

Կարդացեք նաև՝

Հողագործները շտապում են «փրկել» կարտոֆիլը ցրտահարությունից

Դաբաղ թե՞ այլ հիվանդություն․ Ի՞նչ վիճակ է Ախալքալաքի գյուղերում

Բեժանոյում ընթանում է գազարի և ճակնդեղի բերքահավաքը.Գինը, բերքատվությունը և իրացումը

Թունաքիմիկատներ. ավելի շատ օգուտ թե՞ վնաս