Ախալքալաքի մունիցիպալիտետի Սակրեբուլոյի պատգամավորները քաղաքապետարան վերանայման են վերադարձրել 2018 թվականի բյուջեի փոփոխությունների նախագիծը, քանի որ որոշ կետերի համար պահանջվող գումարների հետ կապված նրանք չստացան բացատրություն:

Այսօր, դեկտեմբերի 11-ին, Ախալքալաքի մունիցիպալիտետի Սակրեբուլոյի պատգամավորները քննարկեցին 2018 թվականի բյուջեում կատարված փոփոխությունները: Բյուջեում կատարված շտկումները հետևյալ էին:

1. Ամանորյա զարդարանքներ և տոնածառ՝ քաղաքի ու գյուղերի համար- 19 500 լարի

2. Բարալեթ գյուղի մանկապարտեզում բնական գազի երկրորդ կետի անցկացում — 637 լարի

3. Գրադարանային միավորման ջեռուցման համար — 2500 լարի

4. Սպորտ համալիրի ջեռուցման համար — 14.000 լարի

5. Ապագայի տան շենքի ջեռուցման համար — 400 լարի

6 Մունիցիպալիտետի սոցիալապես անապահով ընտանիքների համար վառելափայտ ձեռք բերելու համար — 25 000 լարի

7. Ազավրեթ գյուղի մանկապարտեզի համար 2 գազօջախ և 2 սառնարան ձեռք բերելու համար, համապատասխանաբար՝ 2000 և 2200 լարի

8. Կոթելյա գյուղի մանկապարտեզում էլեկտրահաշվիչի տեղադրման համար — 400 լարի

9. Ախալքալաքի քաղաքապետարանի սոցիալական բաժնի և հիվանդանոցի միջև համագործակցության համար- 50,000 լարի

Պատգամավորները չստացան բացատրություններ՝ մանկապարտեզների միավորման, տոնածառի և զարդարանքների, ինչպես նաև սոցիալապես անապահով մարդկանց վառելափայտի տրամադրման կետերի վերաբերյալ: Արդյունքում որոշվեց շտկումների փաթեթը ետ ուղարկել վերանայման:

Ախալքալաքի մունիցիպալիտետի Սակրեբուլոյի նախագահ Նաիրի Իրիցյանը շատ դժգոհ էր, որ պատասխանատու անձինք չեն ներկայանում Սակրեբուլոյի նիստերին, որոնցից նրանք կկարողանային ստանալ հստակ պարզաբանումներ: «Նրանք պահանջում են գումար, բայց չեն բացատրում, թե ինչու է դա անհրաժեշտ, ոչ ոք պատասխանատու չէ: Ում մենք հրավիրում ենք, ոչ ոք չի գալիս, ուղարկում են նրանց, ովքեր չեն կարողանում բացատրել: Ինչի համար պետք է ծախսվի տոնածառի և զարդարանքների համար նախատեսված 25 000 լարին, և որտեղ են դրանք տեղադրվելու: Մանկապարտեզների միությունն ունի 350,000 լարի մնացորդ, ու նրանք դեռ պահանջում են 4 600 լարի գազօջախ և սառնարան գնելու համար: Անցյալ տարի մենք Ազավրեթի մանկապարտեզին տրամադրեցինք գումար գազոջախ և սառնարան գնելու համար, սակայն այս տարի նրանք կրկին պահանջում են », — ասում է Նաիրի Իրիցյանը:

Շուշան Շիրինյան