Վրաստան պետք է ներմուծվի հնարավորինս ավելի բարձր որակի դիզելային վառելիք, իսկ ցածր ստանդարտների ավտոմեքենաների ներմուծումը պետք է սահմանափակվի: Այս մասին այսօր մայրաքաղաքի կառավարության նիստում հայտարարեց Թբիլիսիի քաղաքապետ Կախա Կալաձեն:
Նրա խոսքերով, հաճախ խոսվում է այն մասին, թե ինչպես պետք է ամեն ինչ անել էկոլոգիայի տեսանկյունից իրավիճակը բարելավել:
«Ես ուզում եմ արձագանքել վարչապետի հայտարարությանը, որ վառելիքի որոշ փոփոխություններ են պահանջվում, այսինքն պետք է բարելավել որակը, որը ողջունվում է: Կարծում եմ, որ այդ փոփոխությունները պետք է հնարավորինս շուտ իրականացվեն, որպեսզի բարձրորակ վառելիք մատակարարվի Վրաստան: Մասնավորապես, խոսքը գնում է դիզելային վառելիքի մասին», – հայտարարեց Կալաձեն:
Միևնույն ժամանակ, ըստ նրա անհրաժեշտ է սահմանափակել ցածր ստանդարտների ավտոմեքենաների ներմուծումը և խրախուսել նոր ավտոմեքենաների ներմուծումը:
«Էլեկտրական տրանսպորտային միջոցների բոլոր սահմանափակումները հանվում են, որպեսզի հնարավորինս շատ էլեկտրական մեքենաներ ներմուծվեն: Որոշ արտոնություններ կան նաև հիբրիդների համար: Սակայն, երբ ներմուծվում են հին հիբրիդային ավտոմեքենաներ, նույնպես լուրջ խնդիր եմ համարում շրջակա միջավայրի համար», – հայտարարեց Կալաձեն: