ԱՄՆ Պետդեպարտամենտը մեկնաբանում է Հայաստանում ընթացող պրոցեսները: Վաշինգտոնը հայտարարում է, որ պատրաստ է համագործակցել Հայաստանի նոր իշխանությունների հետ:
«Մենք երախտապարտ ենք վարչապետ Սարգսյանին երկար տարիների գործունեության համար և ԱՄՆ — Հայաստան գործընկերության մեջ իր ներդրման համար: Հույս ունենք, որ Սարգսյանի իրավահաջորդը կառաջադրվի ժողովրդավարական պրոցեսների արդյունքում», — ասվում է ԱՄՆ Պետդեպարտամենտի հայտարարության մեջ:
Հիշեցնենք, որ 11 օր Երևանում և Հայաստանի այլ քաղաքներում բողոքի ակցիաներ էին անցկացվում Ազգային ժողովի կողմից վարչապետի թեկնածու ընտրված՝ նախկին նախագահ Սերժ Սարգսյանի դեմ: 11-րդ օրը վերջինս թողեց Հայաստանի կառավարության ղեկավարի պաշտոնը: Այս պահին կառավարությունը ղեկավարում է առաջին փոխվարչապետ Կարեն Կարապետյանը:
