Ախալքալաքում եկավ այն ժամանակը, երբ երեկոյան փողոցները չեն դատարկվում ու լցված են խաղացող և հանգստացող երեխաներով: Սակայն զգացվում է, խաղահրապարակների և զվարճանքի այլ վայրերի պակասը:
Ձեր ուշադրությանն ենք ներկայացնում ֆոտոպատմություն այն մասին, թե որտեղ և ինչպես են Ախալքալաքի երեխաները անցկացնում իրենց երկար սպասված ամառային արձակուրդը:
Աղմաշանեբելի փողոցի բազմահարկ շենքերի բազմաթիվ փոքր բնակիչներ անցկացնում են իրենց ազատ ժամանակը բակում, որտեղ կա մի հին խաղահրապարակ մի քանի ճոճանակներով և մարզալծակներով և համեմատաբար նոր, վերանորոգված մինի մարզադաշտով:
Երեկոյան Վազգեն Սարգսյանի փողոցում հավաքվում են բազում երեխաներ, ովքեր խաղում են ոչ միայն ակտիվ խաղեր, այլև ճանաչողական ու զարգացնող:
Ախալքալաքի բոլոր երեխաների սպասման առարկան նոր խաղահրապարակն է` Խաս Բաղչա կենտրոնական զբոսայգում:
Կառուցվեց, կառուցվեց, բայց այդպես էլ չավարտվեց: Այս տեղում նախկին զինվորական քաղաքում պիտի կառուցվեր խաղահրապարակ:
Քաղաքային մարզադաշտի մշտական այցելուները: Առավոտից մինչ ուշ գիշեր նրանք գնդակ են խաղում դաշտում, և ինչպես իրենք են վկայում, երբեք չեն հոգնում:
Քաղաքային մարզադաշտի վերականգնման ընթացքում կառուցվել է փոքրիկ «Սպորտային քաղաք», ուր գալիս են զբաղվելու, ինչպես չափահաս ֆուտբոլիստները, այնպես էլ երիտասարդ մարզիկները:
Նրանց ոչ մի կերպ չեն զիջում նախկին տասնչորսերորդ քաղաքի փոքրիկ բնակիչները:
Այն պահից երբ կար մինի մարզադաշտը մարզահամալիրում, այն երբեք չէր դատարկվում: Այստեղ, ամեն օր հավաքվում են շատ տղաներ, ովքեր խաղում են ֆուտբոլ:
Երևանյան փողոցի ֆուտբոլի դաշտը սպասելով երեկոյան այցելուներին:
Հայկանուշ Կարաբեկյան
Նյութը տպագրվել է «Ավելի շատ քաղաքացիական ակտիվություն jnews.ge-ում» ծրագրի շրջանակներում: Նյութի հեղինակն այս ծրագրի երիտասարդական խմբի անդամ է:
