Իրանը պատասխան հարվածներ է հասցրել Մերձավոր Արևելքում տեղակայված ԱՄՆ ռազմական բազաներին։
Իրանի «Իսլամական հեղափոխության պահապանների կորպուսի» հայտարարության համաձայն՝ հարձակումների թիրախում են եղել 18 կարևոր օբյեկտներ, այդ թվում՝ Բահրեյնի, Քուվեյթի և Հորդանանի ավիաբազաները։
Հայտարարության մեջ նշվում է, որ Հորդանանում գտնվող ռազմական բազայում «ոչնչացվել են օբյեկտներ և մարտական ինքնաթիռներ»։
Բահրեյնում երկու անգամ հնչել են օդային հարձակման ազդանշաններ, և երկրի Ներքին գործերի նախարարությունը կոչ է արել քաղաքացիներին մնալ տանը։
Քուվեյթի օդային տարածքը նույնպես ժամանակավորապես փակվել է։
Ավելի վաղ ԱՄՆ-ն Իրանի դեմ «պաշտպանական հարվածների» նոր ալիք էր սկսել։ ԱՄՆ Կենտրոնական հրամանատարության տվյալներով՝ հարձակումները թիրախավորել էին Իրանի ռազմական հսկողության հնարավորությունները, կապի համակարգերը և օդային պաշտպանության օբյեկտները։
